martes, 23 de diciembre de 2025
O presidente do Goberno galego, Alberto Núñez Feijóo, informou das principais incidencias rexistradas en Galicia por mor do temporal que afectou a Comunidade nas últimas semanas e sinalou que, só desde o 6 de xaneiro, o 112 xestionou máis de 1.200 chamadas. Segundo dixo, na súa meirande parte estiveron relacionadas con anegamentos, bolsas de auga nas estradas, caída de árbores e pólas, e desprendementos de terra e pedras provocadas polos fortes ventos e polas chuvias continuadas.
O titular da Xunta indicou que, segundo os datos recollidos por Meteogalicia, a chuvia rexistrada nos 12 primeiros días deste mes de xaneiro supera en toda Galicia o que é habitual durante todo o mes de xaneiro e, ao mesmo tempo, nas zonas de maior precipitación duplicouse a media normal de chuvia mensual. De feito, sinalou que houbo zonas onde se superaron os 500 l/² e mesmo os 600 l/m², unha cantidade que non superan habitualmente máis da metade das capitais de provincias españolas en todo un ano.
Así, avanzou que Augas de Galicia activou hoxe novamente o protocolo de enchentes con alerta polo significativo aumento dos caudais en boa parte dos ríos da Comunidade Autónoma. Cabe destacar que a existencia dos encoros nas zonas máis afectadas como a Conca do Río Umia ou o Verdugo evitou males maiores e, a día de hoxe, engadiu, os encoros están a reducir os seus niveis de ocupación para prepararse para as próximas chuvias.
Incidencias en estradas, portos e centros educativos
No que se refire a infraestruturas portuarias, indicou que 35 portos de Galicia resultaron afectados con distinta intensidade por roturas de pantaláns e flotadores, desprendementos de amarre e caídas de valos e sinais informativas.
Nas escolas, sinalou que se rexistraron 87 incidencias en 87 centros educativos e que case na metade dos casos trátase de goteiras, inundacións, desperfectos en cubertas e mesmo algún dano eléctrico.
E, no tocante ás estradas, precisou que foron 47 as incidencias ocasionadas polo temporal, das que 40 están totalmente solucionadas e sete en execución. A gran maioría destas incidencias son desprendementos de terra e de muros de contención, asolagamentos e afundimentos en calzadas.
Para devolver a circulación ás estradas con axilidade, dixo, a Xunta está a mobilizar máis de 60 máquinas con 285 profesionais da Axencia Galega de Infraestruturas que están traballando en solventar estas incidencias nas vías galegas. Así mesmo, sinalou que tamén se está a actuar para previr posibles nevaradas e xeadas que dificultan o tráfico, con 366 Tm de produtos fundentes distribuídas xa nas estradas de titularidade autonómica.
Concretamente, referiuse á situación da estrada AG-53 Santiago-Brión, que sufriu un desprendemento o pasado sábado que supuxo ter que cortar un carril. Nesta liña, avanzou que mañá mesmo a conselleira de Infraestruturas e Vivenda, Ethel Vázquez, manterá unha xuntanza coa concesionaria desta autovía para ver distintas actuacións e axilizar ao máximo as intervencións.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
