viernes, 25 de septiembre de 2026
A directora xeral de Xuventude, Participación e Voluntariado, Cecilia Vázquez, inaugurou a exposición da Fundación Eugenio Granell de Santiago que mostra o traballo dos oito mozos e mozas finalistas da especialidade de deseño de xoias do certame Xuventude Crea, organizado pola Consellería de Política Social, e que poderá visitarse ata o vindeiro 28 de novembro. O obxectivo fundamental deste programa, dixo a directora xeral, é que os mozos e mozas poidan manifestar a súa inquedanza artística e cultural, ao mesmo tempo que se fomenta a súa creatividade, como mostra do talento da mocidade galega.
A mostra, que estará aberta de martes a sábado na Fundación Eugenio Granell, poderanse ver as coleccións de cada autor, compostas por tres pezas. Os finalistas son Sonia Fernández Gandásegui (Oleiros) coa colección Migracións; Sergio Pazos Maneiro (Castro de Rey) con Branco Marea; Paula García Carballal (Pontevedra) co proxecto Plumas para volar; Eva Baqueiro Gil (Cangas) coa obra Suspiros de liberdade; Alejandro Rodeiro Mauriz (Mugardos) coa colección A árbore da vida; María Isabel Domínguez Perea (Vigo) con Fogoso amor; Ángel Alberto Otero Frías (Vigo) coa obra As pústulas douradas; e Santiago López Chas (A Coruña) co proxecto Metamorfosis de la lemniscata.
Na edición de 2015 no certame de creadores novos Xuventude Crea participaron máis de 300 mozos e mozas de entre 16 e 30 anos en 11 especialidades diferentes: música, teatro, deseño de xoias, moda, artes plásticas, fotografía, videocreación, banda deseñada, graffiti, poesía e relato breve. Os premios nas 11 especialidades serán de 3.000 euros para os gañadores; 1.500 euros para os segundos; e 1.000 euros para os terceiros. Tamén poden darse mencións de honra, sen dotación económica.
Esta iniciativa inscríbese no Plan Estratéxico de Xuventude de Galicia 2014-2016, que ten como un dos seus eixos principais o fomento da creatividade e o espírito empresarial e propón 22 medidas concretas para seguir avanzando neste eido.
Ata o 28 de novembro poderá visitarse na Igrexa da USC a mostra dos 32 proxectos finalistas das especialidades de fotografía (16) e de artes plásticas que comprende pintura (9) e escultura (7). O acto final de entrega de premios das 11 especialidades terá lugar o próximo 3 de decembro.
Na especialidade de música, o primeiro premio foi para o grupo Diariodeverano (DDV) da Coruña; o segundo para Fripp&Kite, tamen da Coruña; e o terceiro premio foi compartido entre o solista Umbra (Pontevedra) e o grupo Ofmates (Cherry Bomb) de Pontedeume.
Na especialidade de artes plásticas, que inclúe pintura e escultura, os mozos e mozas premiados foron: o primeiro premio compartido entre Beatriz Sieiro Caramés (Pontevedra) coa obra Sen ti e Ruth Miguel Díaz (Lugo) con Habitar, erosión e ruína; o segundo premio, tamén compartido, recaeu en Adrián Taracido Fernández (Cedeira) con Diafanía e en Javier Sande Iglesias (Noia) por Remigio; e o terceiro compartido foi para Adrián Penido Nuñez (Silleda) coa obra Conciencia plástica e para Carlos Copa Josenge (Lugo) co proxecto Puzzle de fluidofaunorostros. O xurado outorgou unha mención de honra á obra Trazos físicos da Terra de Silvia Capelo Álvarez (A Baña).
En fotografía o primeiro premio foi compartido entre Breogán Alamacos Millán (Lugo) coa obra Galiza is different e Alejandro Lorenzana Velasco (A Coruña) con Outro punto de vista; o segundo premio compartido recaeu en Estefanía Andre Feijoó (Vigo) polo proxecto Pegadas e Carla Pérez Vázquez (Boqueixón) por Espellos. Espazo de reflexión; e o terceiro premio, tamén compartido, recaeu en Lara Torres Rodríguez (Santiago) por Poemas obxecto e en Tania Cuíña Gómez (Silleda) con Recordo. Unha mención de honra foi para María Rosario López Sánchez (Boiro) pola obra Do ermo.
No que atinxe á modalidade teatral, Vacaloura teátrica (O Rosal) coa obra Mousike e as kronomusas recibiu o primeiro premio; o segundo foi para Pinchacarneiro teatro (Noia) pola representación Vilar de inferno; e o terceiro premio foi compartido entre Non si? Teatro (Baiona) co proxecto Variacións dun soño sen título e Fusco e Lusco do IES Universidade Laboral de Ourense coa obra Vodas de sangue.
Na especialidade de moda, o primeiro premio foi para a colección Jane Rocks de Irene Muiños Pereira (Mos); o segundo para Yolanda Román Vázquez (Vigo) pola obra Militante vanguardista e o terceiro premio para Iria Carrera Chapela (Vigo) por #Tags for life. Estas obras poden visitarse durante este mes nas tendas de El Corte Inglés en Vigo.
En videocreación, Inés Miras Vieites (Santiago) recibiu o primeiro premio polo proxecto Volta atrás; Denisse Lorenzo Hermida (Vilalba) o segundo por Alén das pantallas; e Estela Suárez Recouso con Extrusión social recibiu o terceiro premio, xunto con M.ª del Pilar Boullosa Álvarez, coa obra Luscofusco.
En poesía, o primeiro premio foi compartido entre Brais Lamela Gómez, (Vilalba), coa obra Memorias dun cuarto afincado en Nevermore e Mónica Sánchez Rodríguez (Monforte de Lemos) polo poemario O sosego do lodo. O segundo premio, tamén compartido, recaeu en Andrea Aris Couso (Vigo) pola obra 3/cuartos de fame e en Sonia Martínez López (Sarria) por Interacións fundamentais. E o terceiro compartido foi para Fabián Freijedo Fariñas (O Carballiño) con 00023-KZ Arquivo Chus Psiquiatría e para Celia Parra Díaz (Ourense) pola obra Profundidade de tacto.
En graffiti, o primeiro premio recaeu en Ramón Conde-Corbal Varela (Mon Devane) de Ourense, co proxecto Festa neón; o segundo premio en Tirso Paz Sans (Bublegum) de Lugo coa obra Mirada melosa e o terceiro premio foi compartido entre: Marcos Lamas Bestilleiro (Silcoe) da Coruña por O rostro do querer e Abraham Caride Fernández (O neto do Santos) de Ourense con Enxebre.
Na especialidade de relato breve, o primeiro premio recaeu en Brais Lamela Gómez (Vilalba) pola obra Barcos de Palma de Ecuador; o segundo foi compartido entre Andrés Carrasco Solla (Pontevedra) por Os dominios do caos e Xacobe Pato Rodriguez Gigirey (Santiago) co proxecto As voces estridentes; e o terceiro premio, tamén compartido, foi para Hérber Fernández Pérez (Chantada) coa obra Boi e muiñeira e Rubén Pérez Pombo (Lugo) con O Tintiño.
En banda deseñada, o primeiro premio foi para Xulia Pisón Egea (A Coruña) pola obra Ata o derradeiro alento; o segundo para Inés Vázquez Ramallal (Carral) por Eulalia e o bosque dos aparecidos e o terceiro para Daniel Corrada Rodríguez polo proxecto Tódalas bruxas son malas.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
