A Fundación Curros Enríquez quere facer pública a súa felicitación ao escritor Xosé Neira Vilas pola celebración dos 50 anos da publicación de Memorias dun neno labrego.
Antonio Veiga e Fernando Súarez Barcia asinaron un convenio polo que a Área de Cultura da Deputación destina 5.000 euros para desenvolver o proxecto Un paseo pola memoria fotográfica de Ribadeo.
As corais rotan, con actuacións de 15 minutos, na porta de Bispo Aguirre, a praza do Campo e a praza da Soidade, entre as 20:00 e as 21:00 horas. O día 5 de xaneiro ten lugar unha xuntanza de todas as corais que participaron no ciclo, na praza de Santa María.
A Xunta rende homenaxe a Rosalía de Castro destacando a contemporaneidade da súa obra. O director xeral do Libro destacou que no nome de Rosalía temos un valor imprescindible do noso patrimonio cultural galego e sentimos que a súa proxección significa a expansión do noso país dun xeito importante e identitario.
Antón Bao explicou que a publicación do libro, grazas ao impulso do concello de Paradela e a colaboración da Área de Cultura, permitirá fixar a súa obra, para o coñecemento das xeracións presentes e futuras, dentro do noso sistema literario galego.
O titular da Xunta afirma que debe haber poucos países no mundo que posúan unha monografía na que se detalle con tanto rigor e tan por extenso a importancia dun só animal na súa historia, e, ao mesmo tempo, sexa tan esclarecedora da cultura e dos modos de expresión que leva implícitos.
A Consellería de Cultura e Turismo colaborou na produción do número Especial Xacobeo 2010 da revista Biblos Clube de Lectura: unha edición trilingüe que reúne unha escolma da produción literaria e musical galega para achegarse ao fenómeno xacobeo, ao Camiño e a Galicia como destino.
A profesora ferrolá Paula de Castro, primeira bailarina do Ballet da Ópera de Niza, imparte as master class de danza clásica os días 3, 4 e 5 de xaneiro na sede do Centro Coreográfico Galego na Coruña.
Política Lingüística leva as actividades Detrás da canción, Canta música!, Ola, ola, la! e Atrapado na torre a oito concellos galegos na última semana do ano. Pop para adolescentes, obradoiros musicais para os máis pequenos e os trucos de maxia máis enxeñosos.
No Museo do Belén Electrónico de Begonte amósase a exposición de fotografías titulada Voluntariado e Ancianidade, con obras de Montserrat Lozano Río,organizada pola ONG "Ancianos del mundo", que se inclúe no calendario da presente edición do Nadal begontino.
