Buscador
Noticias
Preséntanse os tres representantes de Galicia Radio Cos, Narf e Xabier Díaz que actuarán na maior feira mundial da música de raíz en Santiago do 19 ao 23 de outubro. A previsión é que se organicen 60 concertos e que visiten Galicia 2.500 profesionais de 90 países, o que implicará un impacto económico duns 2,5 millóns de euros.
Ofertarase en 1º e 2º de ESO, cunha carga lectiva dunha hora semanal, e o seu contido foi deseñado por docentes de Educación en colaboración con especialistas da Secretaría Xeral da Igualdade. Representantes do Goberno galego coincidiron en salientar que é imprescindible avanzar no eido educativo para mudar a desigualdade.
Campos Conde, o presidente da Deputación lucense, avoga pola responsabilidade das administracións públicas galegas implicadas no traballo e remarca a necesidade de celebrarse esta reunión, pois a candidatura da Ribeira Sacra está bloqueada dende o verán de 2015 por diferenzas técnicas.
O grupo de Costa de Marfil actúa o martes 12 de xullo, ás 21 horas, no Salón Teatro da capital de Galicia no marco da VIII Festa Africana promovida pola onegué Égueire, que leva a cabo proxectos de desenvolvemento no país africano. Esta coral de Abidjan foi creada en 1974 onde viven unhas 220 familias.
Andar con arte organiza oito andainas do 30 de xullo ao 27 de agosto, con convidados expertos en diferentes áreas como a arquitectura, a arqueoloxía, a xeografía, a xeoloxía ou a arte. Igrexas, muíños, castros, fortalezas e vías romanas son protagonistas da cuarta edición do ciclo que percorre varios concellos galegos.
A figura do artista de Cervo José María Cao, o galego patriarca da caricatura arxentina, que influíu en autores como Castelao, é recoñecida en toda América Latina. Na presentación da exposición que se pode visitar na Valente ata o 8 de agosto, o alcalde de Ourense lamentou a perda do escritor Fernández Paz para a cultura galega.
Tamén o tren do Viño do Ribeiro - Rías Baixas realiza a primeira viaxe da nova tempada de Galicia a todo Tren que inclúe a Ruta dos Faros, do Viño das Rías Baixas e do Viño da Ribeira Sacra cunha ocupación do 100%. A oferta complétase co Galicia Rail Pass e coas propostas específicas para peregrinos e para visitar os balnearios galegos.
A mostra Saúde e Terra, Irmá(n)s pode verse no Museo do Pobo Galego de Santiago de Compostela ata que finalice o mes de xullo, e conmemora o centenario da creación das Irmandades da Fala fundada o 18 de maio de 1916 na Coruña. Esta mostra abriu a súa itinerancia na Coruña e continuará nos concellos de Vigo, Pontevedra, Ourense, Lugo e Ferrol.
O Comité Económico e Social Europeo (CESE) elixiu a USC como sede da audiencia pública e xuntanza da súa sección especializada de Unión Económica e Monetaria e Cohesión Económica e Social (ECO), e ten como lema Promover as empresas innovadoras e rápido crecemento.
O ciclo de concertos volve do 7 de xullo ao 27 de agosto á praza central da Cidade da Cultura con actuacións todos os xoves, venres e sábados a partir das 21h. Como novidade, esta sexta edición conta con catro proxeccións audiovisuais precedidas dunha sesión DJ: Taking Woodstock, The Commitments, Sigur Rós-Heima e unha homenaxe a David Bowie.
