viernes, 17 de mayo de 2024
Aproveitando a participación do grupo na VIII Festa Africana, a oenegué Égueire está a programar concertos da coral en diferentes concellos galegos, para difundir a actividade desta asociación, para dar a coñecer a realidade cultural e social de Costa de Marfil e tamén para recadar fondos a prol do desenvolvemento dos seus proxectos.
A VIII Festa Africana chega a Santiago de Compostela coa actuación que o coro Saint Luc de Banabakintú ofrece o martes 12 de xullo, ás 21:00 horas, no Salón Teatro. Promovida pola Asociación de Cooperación Exterior Égueire, coa colaboración da SecretarÃa Xeral de Cultura e da Axencia Galega das Industrias Culturais (Agadic), a través do Salón Teatro, o espectáculo do grupo marfilés enmárcase nunha festa que ten como obxectivo principal o intercambio cultural e a creación de puntos de encontro que favorezan a unión e a colaboración entre os pobos. Deste xeito, a iniciativa favorece o desenvolvemento de proxectos en Costa de Marfil para axudar a mellorar as condicións do pobo deste paÃs, do que procede a coral Saint Luc de Banabakintú.
Esta coral de Abidjan, creada en 1974, canta habitualmente nunha parroquia dun barrio popular da capital marfilesa, Adjamé, onde viven unhas 220 familias, e nos últimos anos recibiu numerosos recoñecementos no seu paÃs de orixe.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, o que supón un incremento de case un 3% respecto ao ano anterior. Estes datos enmárcanse no traballo conxunto desenvolvido nos últimos anos pola Xunta e Ecoembes (organización sen ánimo de lucro que coordina a reciclaxe dos envases domésticos en todo o paÃs) para mellorar o depósito, recollida e posterior recuperación deste tipo de residuos no conxunto da comunidade galega. Segundo os datos correspondentes ao ano 2023, en Galicia recuperáronse un total de 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de latas e outros envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
