Buscador
Noticias
A Cidade da Cultura convida á cidadanía a elixir os poemas preferidos de Manuel María e recitalos no marco dun espectáculo multimedia no que os versos están acompañados por improvisacións sonoras de Koroiev e videocreacións de DSK, así como un aperitivo literario con degustación de produtos galegos. A Cidade da Cultura súmase á homenaxe do Día das Letras Galegas a Manuel María.
Trátase dun estudo e dunha antoloxía con 55 poemas do autor homenaxeado este ano coas Letras Galegas, así como O auto da costureira, unha peza teatral publicada en 1973. A edición correua a cargo da profesora e escritora Mercedes Queixas Zas, que se presentou na RAG.
O Concello de Santiago súmase á celebración do Día das Letras Galegas e ao recordo a Manuel María, o autor homenaxeado este ano. O alcalde, Martiño Noriega, e a concelleira Branca Novoneyra presentaron as actividades organizadas polos departamentos de Lingua e Acción Cultural para lembrar a obra do poeta chairego.
O documental USC360 é un conxunto de catro pezas sobre a vida universitaria, a cultura, a ciencia, o deporte a historia da Universidade de Santiago gravadas en 360º, o que o converte nun dos primeiros proxectos destas características que se realiza en Galicia. O proxecto pódese ver na web http://novosmedios.gal/usc360/
2.500.000 de bolsas visibilizarán a efeméride e preto de 500 carteis difundirán nos establecementos Eroski-Center e Familia a figura, a vida e a obra do autor ao que este ano se lle dedican as Letras Galegas. Valentín García salientou a importancia de que as empresas se comprometan coa promoción do uso do galego desde a RSE.
O filme de Oliver Laxe protagoniza nove dos pases da Semana da Crítica, mentres que a nova curta de Alberto Vázquez preséntase na Quincena de Realizadores. A participación galega en Cannes complétase coa actividade comercial de Frida, Fadybug, Numax e Zeitun.
O Foro do Burgo de Caldelas, unha das primeiras manifestacións en lingua galega, a bandeira do Consello de Galiza ou o teodolito de Domingo Fontán son algunhas pezas emblemáticas da cultura galega. Todas elas están en Galicia 100. Obxectos para contar unha cultura, promovida polo CCG.
O web 'Manuel María xornalista' recolle unha parte dos artigos do autor da Terra Chá e ofrece unha visión global da súa biografía, con especial atención á súa vida como xornalista. Esta visión compleméntase cunha galería de imaxes recollida do arquivo da Casa-Museo Manuel María e unha lista de webs salientables sobre o escritor chairego.
O eido da investigación e outro dos campos nos que a USC ocupa un lugar preferente no último informe que vén de publicar a Fundación CyD. De feito, no ránking de 2016 de CyD, a USC figura entre o grupo das universidades españolas que presenta mellores rendementos.
A actividade desenvolverase os días 21 e 22 deste mes nas rutas das Rías Baixas e do Ribeiro e o 28 e 29 nos itinerarios de Monterrei, Ribeira Sacra e Valdeorras. As xornadas inclúen o servizo do Bus do Viño e menús especiais nos restaurantes de cada zona. O visitante poderá acceder de forma gratuíta a máis de 100 adegas de Galicia e realizar catas e degustacións.
