martes, 29 de septiembre de 2026
Nota de prensa remitida por el Gabinete de Comunicación del PPdeG:
O portavoz de Educación do Grupo Popular, Hipólito Fariñas, negou rotundamente que os alumnos de 3º de primaria vaian facer unha reválida, porque se trata dunha proba individualizada para avaliar os avances no sistema educativo galego e adoptar as medidas axeitadas para cada centro e estudante.
Hipólito Fariñas afirmou que o dicionario da Real Academia Galega define reválida como exame co que se revalidan certos estudos e se obtén un grao ou título académico, polo que negou rotundamente que esteamos a falar dunha reválida aos alumnos de 3º de primaria, senón dunha proba individualizada de avaliación.
Neste sentido, engadiu que os resultados desta proba non vai figurar no expediente académico do alumno, dado que só quedará no expediente do centro e na notificación que se lle fará chegar ás familias, que poderán participar no deseño daquelas medidas de reforzo que consideren oportunas en función dos resultados desta proba.
O portavoz popular lembrou que esta proba vai avaliar dúas competencias básicas: a lingüística, desde o punto de vista da expresión e a comprensión oral e escrita; e a matemática, desde o punto de vista da resolución de problemas e do cálculo.
O obxectivo é buscar a eficiencia do sistema educativo que non foron quen de facer na etapa do Goberno bipartito, cando tiveron resultados absurdos porque non se adoptou ningunha medida para a mellora da calidade educativa, engadiu.
Fariñas salientou que non foi o PP nin os gobernos populares quen inventaron esta proba, senón que foron outros gobernos progresistas os que xa a incorporaban na Lei Orgánica de Educación do ano 2006, do mesmo xeito que se está a aplicar en países como Alemaña ou Francia. Así mesmo, criticou aos grupos da oposición de facer chamamentos irresponsables en Galicia e calar noutras comunidades autónomas nas que gobernan e que tamén levarán a cabo esta proba.
Para rematar, o portavoz popular sinalou que esta proba estará feita por profesores do sistema educativo galegos para buscar información individual de cada alumno, co obxectivo de detectar posibles dificultades na aprendizaxe.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
