jueves, 23 de abril de 2026
Nota de prensa remitida por el Gabinete de Comunicación de la Xunta de Galicia:
Turismo de Galicia instalou no Aeroporto de Santiago de Compostela unha maqueta da Catedral de Santiago para o deleite de todos aqueles viaxeiros que cheguen en avión á capital de Galicia.
A maqueta, propiedade da S.A. de Xestión do Plan Xacobeo, foi creada no ano 1992, e forma parte dun conxunto de tres.
A primeira delas foi destinada ao Parque Mini-Europa de Bruxelas, onde continúa hoxe en día; a segunda construíuse para o Pavillón de Galicia na Exposición Universal de Sevilla de 1992 e na actualidade encóntrase na sede do Xacobeo.
Pola súa parte, a terceira maqueta foi pensada para a súa itinerancia como o obxecto máis destacado e apreciado dentro dun amplo e ambicioso proxecto de promoción do Camiño de Santiago. Unha vez rematado o dito proxecto e despois de terse exposto en Bos Aires, Porto, Lisboa, Roma, Bruxelas, Toulouse, Burdeos e México, quedou instalada, no ano 2001, na nave central da igrexa do Mosteiro de Sobrado dos Monxes, onde permaneceu ata o seu traslado ao Museo das Peregrinacións de Santiago.
Agora esta espectacular maqueta estará exposta no Aeroporto de Santiago, polo menos durante os dous próximos anos período que pode ser prorrogado-.
A maqueta, realizada en escala 1:25 cunhas medidas de 325x500x400 centímetros, está elaborada por resina de poliéster colado para as partes con máis detalle ornamentación, esculturas, remates e balaustradas-, resina de poliéster con fibra de vidro para os elemento estruturais, como as cubertas, e espumados de poliuretano con reforzos de madeira e tubos de ferro para as estruturas internas.
Fotografía: Gabinete de Comunicación de la Xunta de Galicia
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
