miércoles, 22 de abril de 2026
Nota de prensa del Gabinete de Comunicación del PSdeG:
O portavoz do Grupo Socialista, José Luis Méndez Romeu, acusou a Feijóo de poñer en risco a vida das persoas a través dos recortes en sanidade. Así o dixo na sesión de control ao presidente que se celebrou hoxe no Parlamento e na que os socialistas preguntaron polo secuestro do informe do Comité de Bioética que cuestionaba os recortes nos dereitos á asistencia sanitaria e que provocou sete dimisións no órgano.
O responsable socialista aludiu así á prohibición da venda de vacinas de meninxite B nas farmacias galegas, co que está asumindo que cada ano dous menores poden morrer e outros seis poden quedar cunha discapacidade permanente. Criticou esta decisión, contraria a tódolos profesionais de pediatría, e que obriga a unha peregrinaxe ás farmacias de Portugal.
Lembrou tamén a denuncia diante da fiscalía, a pasada semana e por parte do colectivo médico, contra os retrasos da Xunta de Galicia que provocaron o falecemento de cinco doentes por non recibir tratamento. Preguntoulle ao presidente da Xunta canto vale para vostede a vida dunha persoa, logo de constatar que detrás das súas decisións hai persoas con risco vital.
Méndez Romeu lembrou tamén as historias terribles de pensionistas e parados que non retiran os medicamentos recetados porque non os poden pagar e facer fronte ao copago imposto por Feijóo. Acusou ao presidente galego de destruír un sistema modélico, minorando drasticamente o gasto médico, suprimindo as taxas de reposición e impoñendo a xubilación forzosa.
O portavoz socialista sinalou que o goberno galego asinou o ano pasado 100.000 contratos de un día para persoal sanitario, provocando o empeoramento dos servizos e o auxe das pólizas de seguro privado, que medran sen cesar porque a xente entende a súa mensaxe do sálvese quen poida.
Méndez Romeu apuntou á dimisión de sete membros do Comité de Bioética da Consellería de Sanidade, logo de censurar un informe sobre os efectos do recorte do dereito á asistencia sanitaria por parte da Xunta. O goberno galego, puntualizou, tivo seis meses secuestrado un documento que revelaba que os recortes cuestionan a universalidade, a equidade e a gratuidade da atención sanitaria consagradas en 1976.
O portavoz socialista advertiu que Feijóo está resultando un dos ideólogos do proceso de mercantilizar a sanidade e rematar coa igualdade, e lembrou a obriga legal de atender a todos sen discriminación e pagar a través dos impostos.
Apuntou que a política de recortes, redución de médicos e camas son a principal razón que provoca o aumento das listas de espera e dos colapsos nas urxencias, mentres o presidente da Xunta sempre ten unha escusa, que cando en xaneiro era a gripe, agora son os doentes, que teñen o mal hábito de poñerse enfermos.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
