miércoles, 22 de abril de 2026
Nota de prensa remitida por el Gabinete de Comunicación de la Xunta de Galicia:
O presidente do Goberno galego, Alberto Núñez Feijóo, destacou tras o Consello da Xunta a aprobación do decreto que regula o dereito a pedir unha segunda opinión médica no Servizo Galego de Saúde, con dúas grandes novidades: a ampliación dos supostos e a redución da tramitación deste dereito a só dez días.
No tocante a ampliación dos supostos, Feijóo precisou que se inclúen: a totalidade de neoplasias malignas; tamén se establece, de xeito expreso, a posibilidade de solicitar unha segunda opinión no caso de recidivas tumorais malignas; e, igualmente, no caso de que aparezan novos tratamentos para unha enfermidade previamente diagnosticada e incluída nos supostos que permiten o exercicio do dereito a unha segunda opinión médica.
E, en relación á redución da tramitación, o presidente autonómico salientou que o texto aprobado fixa un máximo de dez días hábiles para resolver a solicitude fronte ao mes de regulación actual, o que loxicamente contribuirá a diminuír a incerteza dos pacientes nestes casos.
Nesta liña, precisou que o decreto regula tamén con maior detalle o procedemento para o exercicio da segunda opinión, xa que se incorpora a posibilidade de facela vía telemática e non só de forma presencial como ata o de agora.
Con este texto, Feijóo salientou que a Xunta continúa co desenvolvemento normativo da Lei de Garantías: xa se ten aprobado o relativo ás instrucións previas e hoxe queda listo o decreto sobre o dereito ao exercicio da segunda opinión médica, explicou, logo de avanzar que, con carácter inmediato, tamén se aprobará o correspondente decreto no que se refire ao dereito á libre elección de médico de familia, pediatra e persoal de enfermería no ámbito de atención primaria e de centro hospitalario no conxunto do Sistema galego de Saúde.
Deste xeito, o titular da Xunta aseverou que o Goberno galego cumpre os compromisos que asumiu ao aprobar a Lei de Garantías Sanitarias e, sobre todo o desenvolvemento lexislativo dunha lei que amplía dereitos e que amplía tamén obrigas para o propio Servizo público de Saúde.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
