miércoles, 22 de abril de 2026
Nota de prensa del Gabinete de Comunicación del PSdeG:
A portavoz de Sanidade do Grupo Socialista, Carmen Acuña, reclamou o cese da conselleira de Sanidade, Rocío Mosquera, por ética logo de ter secuestrado un informe elaborado pola Comisión de Bioética do Sergas para analizar o impacto dos recortes de Feijóo na equidade do sistema sanitario público, e que provocou a dimisión en cascada de 9 dos 17 membros do órgano consultivo.
Reprochoulle a Feijóo que se poña de perfil, cruzado de brazos fronte á xestión despótica, caciquil e censuradora de Mosquera, que pon a guinda ao rosario de recortes, copagos, privatizacións a favor de empresas amigas e nepotismo no reparto de xefaturas de servizo a maridos e amigos. Alertouno dunha espiral de despotismo coa que hoxe négalle falar sobre estes feitos, pero pronto pode impedirlle que a cese.
Mentres o presidente da Xunta quere pasar de puntillas e mirando a outro lado, dixo, a conselleira de Sanidade, nervosa e chea de soberbia demóstrase incómoda coa ética sanitaria. Así o fixo saber ao secuestrar un informe sobre o impacto do Real Decreto 16/2012, de sostibilidade do SNS na poboación, unha norma que está a provocar o aumento das desigualdades e da mortalidade nos sectores mais desfavorecidos.
Acuña revelou que o debate interno na Comisión de Bioética xa supuxera dúas dimisións no comezo da elaboración do informe, diante da actitude do presidente do órgano, o director xeral de Asistencia Sanitaria, que quixo obstaculizar e prolongar os debates deliberadamente. O traballo continuou coa manipulación e dulcificación dos estudos, mesmo chegando a modificar a denominación do informe.
Isto non impediu que a conselleira confiscara o informe, provocando as outras sete dimisións dos integrantes do órgano logo de agochar un documento que debe ser públicos como tódolos que elabora a Comisión, por moito que Mosquera o cualifique de informe interno e queira converter as renuncias en recambios.
Os socialistas reclaman a comparecencia da conselleira de Sanidade e solicitan a entrega do dito informe, ademais de anunciar unha batería de preguntas, interpelacións e proposicións non de Lei para coñecer por qué a Xunta está tan preocupada en agochar o documento á luz pública. Acuña quere coñecer tamén informe orixinal para comparar o que pasou no seo da Comisión.
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
