miércoles, 22 de abril de 2026
Nota de prensa del Gabinete de Comunicación del PSdeG:
O secretario xeral dos socialistas galegos, José Ramón Gómez Besteiro, asegurou que o tratamento que o partido que nos goberna e o presidente da Xunta lles dispensaron aos afectados pola hepatite C amosa pouco corazón e pouca eficacia.
O líder dos socialistas galegos mantivo hoxe unha reunión co presidente da Plataforma SOS Sanidade Pública, Manuel Martín, e outros representantes da asociación xunto á portavoz de Sanidade do partido no Parlamento, Carmen Acuña. Besteiro mostrou o apoio do PSdeG á mobilización en defensa da sanidade universal do día 19 de marzo, na que se demandarán iniciativas que defende o Partido Socialista.
Traballaremos por unha sanidade pública, universal e de calidade fronte á política da dereita, a día de hoxe a atención depende en ocasións dos recursos económicos ou das zonas de procedencia, hai unha ruptura da equidade terapéutica, manifestou.
Con respecto ao acontecido no pleno do Parlamento, argumentou que o tratamento que o partido que nos goberna lle dispensou aos afectados careceu de proximidade e de cercanía, acusando aos representantes públicos de xogar coas persoas.
Acusan aos demais de xogar cos enfermos, pero Feijóo o que ten que facer é precisamente explicar que está a facer, qué tipo de xogo plantexa, engadiu Besteiro, que apostou por un fortalecemento do noso sistema sanitario público, é o que queren a inmensa maioría dos galegos e loitaremos por elo.
Pola súa parte, Manuel Martín apuntou que a sanidade pública galega está ao borde da inanición, con moitos recurtes, 2.000 prazas de profesionais menos e menos camas; temos moitos problemas.
Fotografía: Gabinete de Comunicación del PSdeG
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
