miércoles, 22 de abril de 2026
Nota de prensa de Queremos Galego:
Miles de persoas e colectivos representativos da ampla diversidade social que defende a lingua galega mostraron por diferentes medios o seu apoio á convocatoria da plataforma cidadá Queremos Galego de manifestación do domingo 8 de febreiro en Santiago de Compostela. Entre os que deron o seu apoio á marcha que partiu desde a Alameda compostelá están os actores e actrices Ricardo de Barreiro, Quico Cadaval, Pepe Penabade, Laura Ponte, Lucho Penabade, Pepe Penabade, Isabel Risco, Teresa Rodríguez e Iria Sobrado.
Nota de prensa remitida por el Gabinete de Comunicación del BNG:
O BNG participou na manifestación en defensa do galego convocada pola plataforma Queremos Galego baixo o lema Polas fillas dos nosos fillos celebrada en Santiago, para defender a supervivencia e a normalidade dun idioma milenario e de cultura, en palabras do portavoz nacional, Xavier Vence, que encabezaba a ampla representación do Bloque.
Vence lamentou a falla de apoio das institucións para o idioma que é de todos e todas, con independencia de ideoloxía ou cor política, animou a sentir orgullo dunha lingua que forma parte da construción do noso pobo e convidou a desfrutar das súas creacións artísticas, para que siga a ser un idioma vivo e a mellor expresión deste país.
Temos dereito a que o noso idioma siga vivo e non sexa desprezado polas institucións estatais, autonómicas que renegan da defensa dun dos nosos sinais de identidade, e criticou a política lingüística do PP. Non aproveitou o autogoberno para defender o idioma, o autogoberno debe ser un dos principais valedores e axentes de prestixio do idioma e, hoxe por hoxe, non vemos ese compromiso na Xunta, ni no presidente nin no seu goberno.
O portavoz do Bloque deixo claro que defender e reivindicar a lingua propia do país non é politizalo, por contra, politizan o idioma quen lexisla en contra del.
O idioma é a expresión máis xenuína dun pobo porque é o seu vehículo de comunicación, os únicos que politizan o idioma son os que lexislan en contra del, os que fan leis para acortar os espazos de uso do idioma, os que fan leis que en lugar de promover o uso do idioma levantan barreiras e dificultades e emiten mensaxes negativas da nosa lingua, argumentou.
Reivindicar o idioma non é politizalo, senón reivindicar a normalidade dunha das mellores aportacións deste pobo á humanidade, concluíu.
Fotografía: http://www.queremosgalego.org
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
