martes, 29 de septiembre de 2026
Nota de prensa remitida por el Gabinete de Comunicación de la Xunta de Galicia:
A produción audiovisual galega amósase ata o 13 de febreiro no European Film Market (EFM) de Berlín, a feira que se desenvolve en paralelo á Berlinale, a través dunha misión comercial promovida pola Xunta de Galicia e integrada por nove compañías do sector.
A delegación empresarial galega, na que participan Filmanova, Portocabo, Artemática, Frida Films, Ladybug Films, Matriuska Producciones, Pela del Álamo Productora, Sun Lúa e Verve Audiovisual, acode á capital alemá no marco do plan de internacionalización para os produtos e servizos culturais galegos que manteñen a Consellería de Cultura e Educación e o Igape (Instituto Galego de Promoción Económica) a través da Axencia Galega das Industrias Culturais (Agadic) e o Clúster Audiovisual Galego.
Dentro desta liña de traballo, o audiovisual galego participa en diferentes feiras estratéxicas cara á procura de socios, compradores e distribuidores de todo o mundo, como o festival de curtas de Clermont-Ferrand que se está a celebrar tamén estes días na localidade francesa, o mercado Ventana Sur de Bos Aires, ou o Marché du Film, o MIPTV e o MIPCOM de Cannes.
A presenza galega verase reforzada na actual edición do European Film Market coa proxección nos pases de mercado da fita cofinanciada a través das subvencións da Agadic El Club de los Incomprendidos, a longametraxe destinada a público xuvenil coproducida por Bambú e Atresmedia a partir da novela do autor Blue Jeans. Tamén se exhibirá a película infantil de animación en 3D Brujerías (Meigallos), de Continental Producciones e Otto Desenhos Animados dirixida por Virginia Curiá.
Ademais, a produtora coruñesa Portocabo participará co seu proxecto Hierro no foro CoPro Series, destinado á coprodución televisiva. A proposta galega, un drama policial ambientado na illa máis remota do arquipiélago canario desenvolvido para laSexta, é a única representación española entre as catro propostas internacionais que participarán neste selecto encontro.
As empresas galegas contarán no EFM cun espazo propio para o desenvolvemento de xuntanzas de traballo e a difusión das súas producións dentro do pavillón Cinema from Spain, do que a Agadic forma parte xunto ao Instituto de Comercio Exterior (ICEX), o Instituto Nacional da Cinematografía e das Artes Audiovisuais (ICAA), a Federación de Asociacións de Produtores Audiovisuais (FAPAE) e outros organismos autonómicos.
Desde este espazo distribuiráselle tamén aos axentes de vendas internacionais a nova edición 2015 do catálogo Films from Galicia, unha escolma das producións máis recentes de longametraxes de ficción, animación e documental, así como o DVD promocional Shorts from Galicia dedicado especificamente a curtas.
Neste ámbito, o European Film Market é un dos máis importantes escaparates de cine do mundo, asociado á programación da Berlinale como o centro de negocios para os profesionais que asisten ao recoñecido festival cinematográfico. Cada ano acolle máis de 400 expositores (na súa maioría produtoras, distribuidoras e organismos oficiais) duns 50 países, así como 1.300 compradores de todo o mundo.
Na presente edición, o EFM presenta novas e interesantes iniciativas como o evento Drama Series Days, que se centra en series de ficción de alta calidade e inclúe eventos para amosar as últimas tendencias do sector e a súa evolución; a sección Bridging de Dragon con Asia como protagonista; unha iniciativa centrada nas startups; ou os dous novos puntos de encontro EFM Buyers Lounge & EFM Producers, deseñados para satisfacer de mellor maneira as necesidades dos produtores que asisten ao mercado. Todo isto permitirá ampliar as redes de contactos dos profesionais acreditados e incrementará as posibilidades de negocio.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
