miércoles, 22 de abril de 2026
Nota de prensa remitida por el Gabinete de Comunicación de la Xunta de Galicia:
O programa Galicia a todo tren converteuse no gran protagonista da programación de Turismo de Galicia na segunda xornada da Feira Internacional de Turismo de Madrid, Fitur.
O expositor de Galicia acolleu, en presenza da Ministra de Fomento, Ana Pastor, a firma entre a directora de Turismo de Galicia, Nava Castro, o presidente da Deputación de Ourense, José Manuel Baltar, e o presidente de Renfe, Pablo Vázquez, do convenio de colaboración para a promoción conxunta de actividades relacionadas co ferrocarril e co sector turístico de Galicia.
Deste xeito, grazas a este convenio un ano máis poñerase en marcha neste 2015 o programa Galicia a todo tren que incluirá o tren Al-Ándalus, os Trens Turísticos de Galicia, o Galicia Rail Pass e o Train and Breakfast Camiño de Santiago.
A directora de Turismo de Galicia afirmou que Galicia a todo tren é un proxecto diferencial do destino con grandes dosis de competitividade no mercado turístico. Así mesmo, Nava Castro afirmou que esta iniciativa proporciona ao viaxeiro un novo modo de descubrir algúns dos recursos turísticos máis singulares de Galicia.
A responsable de Turismo de Galicia sinalou o gran éxito co que cerrou a campaña dos Trens Turístico o pasado ano ao rexistrar máis de dos mil viaxeiros e unha ocupación do 81,71%. Nesta liña, Nava Castro destacou a creación de sinerxias entre os diferentes sectores e axentes, a conciliación do aproveitamento turístico dos territorios e a preservación do medio como factores fundamentais no éxito deste produto.
Así mesmo, nesta xornada, o produto Trens Turísticos de Galicia foi galardoado na XX Edición dos Premios de Turismo Activo de Fitur como Mellor Produto de Turismo Activo Nacional na modalidade de cultura.
O premio, concedido pola organización de Fitur en colaboración coa Revista Aire Libre, recoñeceu así o traballo de Turismo de Galicia no desenvolvemento de proxectos que amplían a oferta turística da comunidade a través da adopción de políticas turísticas que fomentan o desenvolvemento sostible.
O expositor de Galicia acolleu nesta segunda xornada 14 presentacións
A directora de Turismo de Galicia participou tamén ao longo do día en diversos actos e presentacións de promoción turística da Comunidade.
O expositor de Galicia acolleu nesta segunda xornada de Fitur un total de catorce presentacións organizadas por Turismo de Galicia, o Concello de Laracha, o Concello de Lugo, Área Santiago, Turismo de Santiago, Consorcio de Turismo Ribeira Sacra, o Inorde da Deputación de Ourense, o Grupo de Acción Costeira (GAC4), a Axencia de Desenvolvemento Local do Concello de Camariñas, Expourense a Eurocidade Chaves-Verín, o Concello de Catoira, a Mancomunidade do Salnés e a Asociación Solpor.
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
