miércoles, 22 de abril de 2026
Nota de prensa remitida por el Gabinete de Comunicación de la Xunta de Galicia:
O presidente da Xunta, Alberto Núñez Feijóo, que acompañou ao ministro do Interior no acto de homenaxe aos membros do Corpo Nacional de Policía falecidos na praia do Orzán e a todos os caídos en acto de servizo, referiuse aos Heroes do Orzán como un espello no que todos os galegos e españois podemos mirarnos.
Esta homenaxe é unha proba máis de que a sociedade española non esquece os seus heroes. José Antonio, Rodrigo e Javier deron a súa vida pola causa máis elevada: a defensa duns valores que todos os cidadáns admiramos, aseverou, ao que engadiu que estes tres axentes quedarán para sempre na nosa memoria como exemplos de valentía, de cumprimento do deber e de xenerosidade.
Durante a súa intervención, o responsable do Goberno galego incidiu en que co seu xesto os tres axentes demostraron unha xenerosidade extrema, e expresou o seu convencemento de que todos os galegos e todos os españois do futuro estarán profundamente orgullosos do que fixeron.
Fotografía: Gabinete de Comunicación de la Xunta de Galicia
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
