martes, 29 de septiembre de 2026
Nota de prensa remitida por el Gabinete de Comunicación de la Xunta de Galicia:
A Consellería de Economía e Industria impulsa a comercialización e a promoción de Artesanía de Galicia no mercado nórdico na feira de decoración Formex, que se celebra en Estocolmo ata o sábado, 17 de xaneiro, unha iniciativa coa que se busca abrir novas canles de distribución para o produto artesán galego.
A Fundación Centro Galego da Artesanía e do Deseño presenta na capital sueca unha nova colección de pezas de 24 artesáns galegos, coa que se ofrece unha proposta para crear ambientes inspiradores e con estilo baseados no produto artesán e nos que a artesanía tradicional desenvolve un papel fundamental.
A porcelana, o téxtil tecido á man, o coiro ou as figuras tradicionais de San Andrés elaboradas con miga de pan únense á cerámica, á cestería tradicional, á cestería téxtil, á olería tradicional ou ás pezas utilitarias elaboradas en madeira na escolma que representa o produto artesán galego en Formex, feira na que Artesanía de Galicia participa desde o ano 2013.
Formex está considerada unha das feiras profesionais de decoración de referencia do deseño nórdico, e celébrase en dúas edicións anuais, en xaneiro e agosto. Trátase dunha oportunidade única para a reunión de axentes, importadores, deseñadores, produtores e compradores de deseño interior e da industria de agasallos, unha porta aberta a un mercado internacional no que o produto artesán galego está a introducirse.
A participación de Artesanía de Galicia na feira de Estocolmo enmárcase no novo Plan de Artesanía de Galicia, unha folla de ruta impulsada pola Consellería de Economía e Industria coa que se busca acadar un sector artesán sólido e sostible no tempo e que contribúa ao crecemento da economía galega, incidindo na competitividade empresarial e a potenciación do talento galego. A comercialización e promoción do produto artesán galego a través da consolidación da marca Artesanía de Galicia nos diferentes mercados, constitúe unha das liñas estratéxicas que se enmarcan dentro deste plan impulsado pola Xunta.
Entre as novidades da escolma que Artesanía de Galicia presenta nesta edición atópanse as pezas de coiro do obradoiro Media Lúa (Santiago de Compostela), as figuras tradicionais de Santo Andrés de Teixido elaboradas con miga de pan polo taller de Jorge Bellón (Cedeira) ou as do obradoiro téxtil Belategui Regueiro (Cambre) que, xunto co Centro de Recuperación da Cultura Popular (Mondariz) amosarán pezas tecidas á man.
A porcelana estará representada por pezas de Cerámica Suve (Cangas), Como Cuando (Vigo), Marta Armada (Vigo) e Víctor Ares (A Coruña). A cerámica que participa no stand está elaborada polos talleres de Lucía Catuxo (Trabada), Manuel Figueiras (Muros), Nacho Porto (Carnota), Regal Cerámica (Viveiro), Suso Fernández (Taboada) e Unzueta Cerámica (Brión).
En canto á olería, haberá unha representación de tres centros de olería tradicional galega: Niñodaguia, coas pezas de Alfarería Agustín (Xunqueira de Espadanedo), Gundivós, co traballo de Rectoral de Gundivós (Sober) e Buño, coas pezas de olería contemporánea baseadas na ampla tradición oleira desta localidade de Malpica de Bergantiños a partir do traballo de Alfarería Lista e Alfarería Aparicio.
No stand compartirán espazo os cestos tradicionais de Antonio Suárez Davila (Vigo) e a cestería contemporánea con materiais téxtiles elaborada por Idoia Cuesta (Outeiro de Rei). En canto á madeira, os obradoiros que levan as súas pezas a Formex son Armaior (Quiroga), Artesanía Ferradáns (A Estrada), Atalanta (A Estrada) e Elena Ferro (Merza).
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
