jueves, 17 de julio de 2025
Nota de prensa remitida por el Gabinete de Comunicación de la Xunta de Galicia:
Un total de 12 establecementos da rede de Paradores teñen a disposición dos seus clientes o Menú Peregrino, de Asís a Compostela, unha iniciativa gastronómica na que a Xunta de Galicia, a través de Turismo de Galicia, e Paradores colaboran no marco dos actos conmemorativos do VIII Centenario da Peregrinación de San Francisco de Asís a Santiago.
A directora de Turismo de Galicia e mais a presidenta de Paradores realizaron hoxe unha presentación desta iniciativa enogastronómica. Segundo explicou a directora de Turismo de Galicia, o Menú Peregrino resume a maridaxe perfecta entre o Camiño e a gastronomía e aglutina o mellor da tradición gastronómica galega cun dos elementos con maior potencialidade de internacionalización da nosa oferta turística como é o Camiño de Santiago. O Menú Peregrino, dixo, conforma un novo reclamo para todos aqueles que queiran gozar da mellor cociña galega.
Paradores en colaboración cos restauradores galegos con Estrella Michelin ofrecen a posibilidade de degustar un menú especial deseñado con motivo desta efeméride. No acto de Presentación-Degustación do menú interviñeron tamén unha representación dos cociñeiros galegos con Estrella Michelín que participan na iniciativa: Yayo Daporta, Pepe Solla, Javier Olleros, Manuel Costiña, Fernando Agrasar, Juan Crujeiras e Bea Sotelo.
Así, oito restaurantes galegos con Estrella Michelín elaboraron as receitas que conforman este Menú Peregrino, de Asís a Compostela. Os restaurantes son:
-A ESTACIÓN (Cambre - A Coruña). Beatriz Sotelo y Xoán Crujeiras
-ÁRBORE DA VEIRA (A Coruña). Luis Veira
-AS GARZAS (Malpica de Bergantiños - A Coruña). Fernando Agrasar
-CASA SOLLA (Poio - Pontevedra). Pepe Solla
-CULLER DE PAU (O Grove -Pontevedra). Javier Olleros
-RETIRO DA COSTIÑA (Santa Comba - A Coruña). Manuel Costiña
-PEPE VIEIRA CAMIÑO DA SERPE (Poio - Pontevedra). Xosé Cannas
-YAYO DAPORTA (Cambados - Pontevedra).Yayo Daporta
A todos eles, únese o xefe do cociña do Parador Hostal dos Reis Católicos de Santiago de Compostela, José Gómez, coa achega dun aperitivo elaborado para a ocasión. O especial Menú Peregrino, de Asís a Compostela pódese degustar en 12 establecementos da rede de Paradores ao longo do ano (dende maio xa pode degustarse).
O Paradores que colaboran neste programa son os seguintes: en Aragón, o Parador de Bielsa; en Navarra, Parador de Olite; en La Rioja, Parador de Santo Domingo de la Calzada; en Castela e León, Paradores de Lerma, de Cervera de Pisuerga, de Benavente e de León. Xa en Galicia, o Parador de Santo Estevo de Ribas de Sil, o de Baiona, o de Cambados e mais o de Ribadeo, así como o Hostal dos Reis Católicos en Santiago de Compostela.
A directora de Turismo destacou na súa intervención durante a presentación desta iniciativa que a enogastronomía constitúe xunto co Camiño de Santiago e o patrimonio natural e cultural, un dos máis relevantes valores diferenciais que fan de Galicia un destino único.
Resaltou tamén a súa potencialidade como atractivo turístico en si mesmo e en combinación con outros produtos turísticos, así como o feito de que Galicia conte coa maior variedade de froitos do mar do mundo e de que sexa o primeiro produtor e consumidor español de peixe, así como que contemos con produtos distinguidos pola súa calidade certificada.
Ademais de contar con 11 restaurantes con Estrella Michelin a 5ª comunidade do Estado- e con 29 Soles Repsol, Galicia dispón de 51 establecementos de restauración con Q de Calidade Turística.
A directora de Turismo recalcou a presenza da enogastronomía como recurso endóxeno no Plan Integral de Turismo de Galicia, así como algunhas accións a impulsar en relación con este produto turístico no marco do citado plan.
Os Concertos do Xacobeo regresan esta fin de semana á Praia da Concha de Vilagarcía de Arousa dándolle cobertura a unha nova edición do Atlantic Fest. Neste 2025, no cartel do Atlantic Fest danse cita, grandes figuras imprescindibles da escena indie-rock e o pop internacional, estatal e galega, como Primal Scream, The Jesus and Mary Chain, Slowdive, Zahara, Xoel López, Los Planetas e León Benavente, entre moitos outros, que actuarán no escenario principal do festival. As actividades gastronómicas celebraranse durante o venres 18 e sábado 19 de xullo, con degustacións e showcookings dirixidos por profesionais recoñecidos. O venres, ás 19:30 horas, a experta Salomé Beiroa será a encargada dunha cata de queixos galegos, e a partir das 22:00 horas terá lugar un showcooking a cargo do chef Iñaki Bretal, do restaurante Eirado da Leña (Pontevedra).
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola Consellería de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
