domingo, 26 de abril de 2026
Nota de prensa remitida por el Gabinete de Comunicación de la Xunta de Galicia:
O xerente da S.A. de Xestión do Plan Xacobeo, Rafael Sánchez Bargiela interveu cun relatorio no Annual Gathering of Pilgrims da asociación norteamericana de Amigos do Camiño American Pilgrims of the Camino, que nesta ocasión se celebra en Belleville, en Illinois. Sánchez Bargiela dedicou a súa intervención a explicar os diferentes eventos que compoñen a programación en Galicia do VIII Centenario da Peregrinación de San Francisco de Asís a Santiago, que conforman unha ampla axenda artística, cultural, expositiva e musical e que contarán entre eles coa organización do I Encontro Internacional de Asociacións de Amigos do Camiño de Santiago.
O xerente do Xacobeo convidou aos membros e representantes das diferentes agrupacións que compoñen esta amplísima asociación norteamericana que conta con máis de 21 asociacións locais noutras tantas cidades dos Estados Unidos- a participar neste gran evento internacional que se celebrará en Santiago de Compostela en maio de 2015. Sánchez Bargiela incidiu no especial agradecemento que a Xunta de Galicia, a través de Turismo de Galicia, quere trasladar a colectivos como American Pilgrims, que desenvolve unha intensa labor a prol da difusión do fenómeno de peregrinación a Santiago de Compostela, así como polo seu gran traballo de promoción do destino Galicia que repercute no constante incremento da cifra de camiñantes estranxeiros que ano tras ano percorren a Ruta Xacobea.
A asociación realiza tamén traballos relacionados coa formación de hospitaleiros que desenvolven a súa labor en diversos albergues do Camiño de Santiago a través do programa Amigos promovido por entidades de amigos do Camiño. Previamente á celebración das conferencias que forman parte deste encontro que se celebra anualmente no país norteamericano, o xerente da S.A. de Xestión do Plan Xacobeo mantivo un encontro de traballo cos responsables da asociación no que se abriron novas vías de colaboración entre a entidade dependente de Turismo de Galicia e o ente asociativo americano para colaborar en temas relacionados coa hospitalidade tamén en Galicia e a difusión do Camiño en localidades do país a través da organización de exposicións e accións de cooperación en redes sociais e publicacións.
American Pilgrims é unha das principais entidades de Amigos do Camiño que existen na actualidade, tanto en relación ao seu volume de asociados máis de 2.000- como no tocante ao volume de actividades que desenvolven para promover e difundir a cultura xacobea. Dende Estados Unidos chegaron 10.125 peregrinos en 2013 e é o 4º país estranxeiro no ranking de procedencia dos peregrinos.
Nas sesións que conformaron o encontro anual participou tamén a responsable dos Cursos Internacionais da Universidade de Santiago de Compostela, Lanzada Calatayud, que expuxo a ampla oferta de cursos existentes arredor do Camiño que se organizan anualmente en colaboración coa Xunta de Galicia.
Fotografía: http://www.xacobeo.es/
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
