martes, 29 de septiembre de 2026
Nota de prensa remitida por el Gabinete de Comunicación de la Xunta de Galicia:
O Vicepresidente da Xunta, Alfonso Rueda, asistiu ao acto de constitución do Consello Galego das Mulleres, un órgano colexiado de carácter consultivo que actuará como canle de participación efectiva das mulleres para o asesoramento en materia de políticas de igualdade e, sobre todo, no que atinxe á prevención e o tratamento integral da violencia de xénero.
O Consello Galego das Mulleres configúrase coma a vía de participación das mulleres a través das asociacións e entidades representativas dos seus intereses- no deseño de políticas de fomento da igualdade e de loita contra a discriminación e a erradicación da violencia de xénero principalmente.
Exercerá, polo tanto, de interlocutor ante a Administración autonómica e ante calquera institución ou entidade de carácter público ou privado para o desenvolvemento de políticas públicas dirixidas a lograr a igualdade efectiva entre homes e mulleres.
No que atinxe á violencia de xénero, o Consello colaborará coa Xunta no desenvolvemento e aplicación da Lei galega para a prevención e o tratamento integral da violencia de xénero. Así mesmo estableceranse canles estables de intercolución entre a Administración e o tecido asociativo de mulleres co obxectivo de buscar o maior consenso posible no deseño de políticas contra a violencia machista.
Entre as súas funcións está a de elevar propostas e iniciativas aos poderes públicos, elaborar informes sobre a situación e perspectivas da igualdade e investigar a realidade das mulleres galegas, nomeadamente no ámbito da violencia de xénero, para colaborar de xeito efectivo na súa eliminación.
O Consello Galego das Mulleres estará presidido pola secretaria xeral da Igualdade, Susana López Abella, ademais de dúas vicepresidencias e unha secretaría. A través das vogalías estarán representadas todas as consellerías da Xunta, as asociacións e federacións de mulleres (con 15 representantes que foron elixidas nun proceso aberto, público e democrático), as organizacións empresariais (con tres vogais), un vogal en representación de cada unha das organizacións sindicais presentes na Mesa Xeral de Negociación das Administracións Públicas e un representante da Fegamp.
O Consello actuará en Pleno, aínda que poderá tamén constituír comisións de traballo específicas que estime necesarias.
Fotografía: http://www.un.org/womenwatch/feature/iwd/index.html
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
