martes, 29 de septiembre de 2026
Nota de prensa remitida por el Gabinete de Comunicación de la Xunta de Galicia:
Turismo de Galicia puxo en marcha en 2013, en colaboración con Renfe o novo produto rutas turísticas en tren. O proxecto, pioneiro en Galicia, obtivo unha gran acollida polo que se dará continuidade aos trens turísticos existentes ao tempo que se ampliará a oferta con novas incorporacións.
A ministra de Fomento, Ana Pastor, realizou hoxe unha visita institucional ao pavillón de Galicia en Fitur e percorreu as diferentes dependencias deste acompañada da directora de Turismo de Galicia, Nava Castro Domínguez, e das autoridades presentes na feira nesta segunda xornada dedicada ao público profesional.
Este ano 2014 os viaxeiros poderán escoller entre sete rutas diferentes, clasificadas por temáticas e en diferentes zonas de Galicia. Así ademais de percorrer os faros, os pazos e xardíns da camelia, poderanse percorrer en tren os cinco territorios das denominacións de orixe vitivinícolas de Galicia. Durante o primeiro ano da súa posta en funcionamento, o produto rexistrou máis de 600 viaxeiros, que desfrutaron deste itinerarios.
De igual modo, as rutas en tren inclúen entre as novidades previstas para a tempada de 2014 os paquetes de fin de semana nos que se combinan as rutas de tren coa estadía dunha noite nun establecemento hoteleiro.
A posta en funcionamento destas rutas ten sido posible grazas á colaboración interinstitucional e con estes novos produtos perséguese ampliar a oferta turística da comunidade galega a través da adopción de políticas turísticas que fomenten o desenvolvemento sustentable do sector.
Fotografía y más información en: http://www.xunta.es/notas-de-prensa/-/nova/5322/novo-produto-trens-turisticos-galicia-protagoniza-programacion-pavillon-galicia
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
