lunes, 20 de abril de 2026
Dirixido por Fernando Gómez Jácome, as dúas formacións musicais, a Coral do Hospital Xeral-Calde de Lugo e a Orquestra Clásica de Xove, uníronse un ano máis nun xa tradicional concerto conxunto que nesta edición 2013 estivo adicada a dous grandes compositores mundiais, Verdi e Wagner, con motivo da conmemoración do bicentenario do seu nacemento.
Ante un numeroso público e no Auditorio Municipal Gustavo Freire, a orquestra e a coral interpretaron un programa integrado por pezas como o "Te Deum" de Xoán Montes; "Caro mio ben", de Tomaso Giordani; "Laudate Dominum (Das Vesperae solennes de confessore, k339,5º movemento)" e "Isis und Osiris (da ópera Die Zauberflöte, k620, acto 2º, nº 10), de Wolfgang Amadeus Mozart.
Ademáis, no Auditorio lucense soaron o "Vi raviso, o luoghi ameni (da ópera Sonnambula, acto 1º, número 4)" e a "Casta Diva (da ópera Norma, acto 1º, número 5)", de Vicenzo Bellini; o "Entreacto e Bracarolle (da ópera Les contes d'Hoffmann, acto 3º)", "O mio bambbino caro (da ópera Gianni Schicchi)", de Giacomo Puccini; o "Coro de Pelegríns (da ópera Tannhäuser, acto 3º)", de Richard Wagner, e o "Coro de zíngaros (da ópera Il Trovatore, acto 2º, escea 1ª)" e o "Coro de escravos" (da ópera Nabuco, acto 3º), de Giuseppe Verdi.
Acompañando á orquestra e destacando entre o coro, soaron as voces da soprano Inés Rouñada e do baixo Francisco Javier Rodríguez, baixo e batuta de Fernando Gómez Jácome e a ausencia do director da orquestra, Xan Carballal, por motivos de saúde.
Fotografías: Carlos Rodríguez Arias.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
