lunes, 20 de abril de 2026
Nota de prensa remitida por el Gabinete de Comunicación de la Xunta de Galicia:
O conselleiro de Cultura, Educación e Ordenación Universitaria, Xesús Vázquez Abad, asistiu á presentación do libro Domingo García- Sabell e a fenomenoloxía na Real Academia Galega, na Coruña. No acto de tamén estiveron presentes o secretario xeral de Política Lingüística, Valentín García, e o presidente da RAG, Xesús Alonso Montero. Á presentación tamén asistiron Andrés Torres Queiruga; Xosé Luís Franco Grande, escritor e membro da RAG; Teresa García-Sabell, filla de Domingo García-Sabell; e Ramón López Vázquez, coordinador da obra.
A publicación foi editada pola Secretaría Xeral de Política Lingüística por medio do proxecto de recuperación de textos do Centro Ramón Piñeiro para a Investigación en Humanidades (CRPIH), e recompila, baixo a coordinación de Ramón López Vázquez, abondosos ensaios do médico, escritor, político e humanista Domingo García-Sabell, quen foi presidente da Editorial Galaxia, presidente da Real Academia Galega e delegado do Goberno en Galicia.
O volume engloba un bo número de escritos filosóficos da autoría de García-Sabell, artellado en dúas partes que afondan nos principios teóricos, así como na aplicación destes á cultura galega da segunda metade do s. XX.
O CRPIH leva 20 anos impulsando a investigación do idioma propio de Galicia nos eidos lingüístico, literario e antropolóxico. Na súa andaina, deu a lume máis de 200 produtos científicos e contribuíu á formación de máis de 400 investigadores, tanto galegos como estranxeiros, dos que un bo número son hoxe doutores, profesores universitarios ou docentes do ensino medio que, desde os seus postos actuais, continúan a ofrecer importantes achegas ao coñecemento sobre a lingua e a literatura galegas.
Fotografía y más información: http://www.galegos.info/domingo-garcia-sabell
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
