viernes, 30 de octubre de 2026
Nota de prensa remitida por el Gabinete de Comunicación de la Xunta de Galicia:
A Consellería de Cultura, Educación e Ordenación Universitaria, o Instituto Cervantes e o Consello da Cultura Galega homenaxean a Rosalía de Castro a través dun ciclo de conferencias con motivo dos 150 anos da publicación do poemario Cantares gallegos. Rosalía de Castro: Tradición e modernidade é o título desta iniciativa que se realizará do 22 ao 24 de outubro na sede do Cervantes en Madrid.
O ciclo, que contribuirá coa posta en valor e a difusión da vida e obra de Rosalía de Castro, confórmano diversas conferencias, coordinadas polo crítico literario Ángel Basanta, nas que intervirán os escritores Carlos Reigosa, Marina Mayoral, Luis García Montero, Luis Alberto de Cuenca e Arcadio López Casanova.
Luis García Montero, Premio Nacional de Poesía, será o encargado de impartir a conferencia inaugural o 22 de outubro, ás 19.00 horas. Posteriormente, ás 20.30 horas, o compositor e cantante Amancio Prada será o encargado de pechar a xornada cun concerto que terá como protagonistas os versos rosalianos.
O poeta e catedrático da Universidade de Valencia Arcadio López Casanova será o encargado de impartir a conferencia Rosalía de Castro e a poesía galega contemporánea, que terá lugar o mércores 23 de outubro a partir das 19:30 horas. O 24 de outubro, o presidente da Asociación Española de Críticos Literarios, Ángel Basanta, moderará a mesa redonda que pecha o ciclo. Nela, o poeta Luis Alberto de Cuenca, a escritora Marina Mayora e o escritor Carlos Reigosa serán os encargados de abordar a figura de Rosalía de Castro a través da súa vida e da súa literatura.
Actividades para a celebración dos 150 anos de Cantares gallegos
A colaboración de Cultura e Educación con estas xornadas, a través da Secretaría Xeral de Cultura, enmárcase na completa programación de iniciativas que a a Xunta de Galicia vén promovendo durante 2013 aprol do estudo e da difusión de Cantares gallegos, o ano no que se celebra o 150.º aniversario da súa publicación. Concertos, edicións conmemorativas, mostras bibliográficas e espectáculos teatrais son algunhas das actividades promovidas este ano pola Consellería para garantir a máis ampla difusión desta efeméride e a participación do conxunto da cidadanía.
Fotografía: Gabinete de Comunicación de la Xunta de Galicia
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
