miércoles, 21 de mayo de 2025
Nota de prensa remitida por el Gabinete de Comunicación de la Xunta de Galicia:
O conselleiro de Cultura, Educación e Ordenación Universitaria, Xesús Vázquez Abad, apoiou a proxección da figura rosaliana fóra de Galicia coa súa asistencia á estrea do espectáculo A Rosalía de Federico no Teatro Español de Madrid, co que Amancio Prada propón un diálogo escénico entre dúas das figuras máis representativas da poesía española dos séculos XIX e XX: Rosalía de Castro e mais Federico García Lorca. O secretario xeral de Cultura, Anxo Lorenzo, acompañou ao conselleiro na estrea do recital, que conta coa colaboración da Xunta de Galicia. O espectáculo, dirixido por José Luis Gómez, chegará proximamente a Galicia co apoio da Secretaría Xeral de Cultura, no marco da celebración do 150º aniversario da publicación de Cantares Gallegos.
Sobre unha idea orixinal de José Luís Gómez, o cantautor berciano inclúe en A Rosalía de Federico composicións inéditas, rememorando os versos lorquianos e rosalianos, nun conxunto que compón un acorde rosalorquiano de versos en galego e castelán. Deste xeito retoma o espírito de ambos os autores en temas de tanta actualidade como a vinculación á terra, o reencontro co ausente e a preocupación polos máis humildes.
O recital recupera, ademais, a relación de Lorca con Galicia, terra á que viaxou no 1932, así como a súa admiración pola poeta galega. Así, Prada estreará unha peza inspirada na Salutación elegíaca a Rosalía de Castro, poema que o granadino lle dedicou en 1919 a Rosalía, así como outras baseadas nos Seis poemas gallegos, entre os que se atopa a Canción de cuna pra Rosalía de Castro, morta.
A Rosalía de Federico constitúe unha nova aproximación de Amancio Prada ás obras de Rosalía e Lorca, que xa interpretou en traballos como Campanas de Bastabales (1975), Rosas a Rosalía (1997), Sonetos del Amor Oscuro (1986) ou Sonetos y Canciones de Federico García Lorca (2006).
Na celebración do 150º aniversario de Cantares Gallegos, a Consellería de Cultura, Educación e Ordenación Universitaria programa múltiples actividades da man das principais institucións culturais galegas para conmemorar a publicación dunha obra coa que se iniciaba unha nova etapa de esplendor para a literatura galega e a recuperación cultural de Galicia. Tras a presentación, o pasado 18 de marzo, da actuación musical educativa No bico un cantar. Nenos e nenas cantan a Rosalía, na que un coro de 400 rapaces de entre 8 e 12 anos cantarán os versos da escritora de Padrón, a Consellería colabora agora coa organización e difusión do espectáculo A Rosalía de Federico.
Este apoio enmárcase na programación que está a impulsar o goberno galego arredor desta efeméride literaria. A Consellería, a través da Secretaría Xeral de Cultura, propón ao longo do ano numerosas actividades para conmemorar esta efeméride. No primeiro semestre, as bibliotecas nodais promoverán diversas actividades, entre as que destaca a mostra bibliográfica arredor de Cantares Gallegos na Biblioteca de Galicia. A Fundación Rosalía de Castro tamén promove a mostra No principio foi o verso. O cantar dos Cantares, unha exposición que difundirá a obra poética da autora nas principais cidades galegas e que conta, entre outros, co patrocinio da Xunta.
No campo audiovisual, o CGAI organiza o ciclo Paisaxes do Romanticismo. Arredor de Rosalía de Castro, para entender a época e o ambiente cultural de Europa do século XIX. Así tamén, a CRTVG emitirá espazos dedicados a Cantares Gallegos e á súa autora. Por outra banda, a Consellería convoca o concurso escolar Imaxina Cantares! para que os máis novos poidan gozar da obra rosaliana.
Os espectáculos escénicos non faltan nesta programación, o CCG levará por diferentes localidades galegas o espectáculo Rosalía. A Secretaría Xeral de Cultura tamén promoverá Os cantares das musas, de Sarabela Teatro. Respecto ás edicións conmemorativas inclúense un facsímile da primeira edición de Cantares Gallegos e unha edición da obra ilustrada por Pepe Barro coa colaboración do goberno galego.
Para difundir no exterior a obra rosaliana publícase unha edición en inglés desta obra de referencia de Rosalía na colección Galician Classics e desenvolveranse actividades en universidades de todo o mundo, coordinadas desde a Secretaría Xeral de Política Lingüística. Por último, a Consellería de Cultura e Educación colabora activamente na conservación da Casa da Matanza, un referente da posta en valor da figura e da obra de Rosalía. Neste sentido, a Xunta investiu 200.000 euros cofinanciados con Fondos Feder para o seu acondicionamento.
Diferentes espazos singulares ao longo do litoral de Galicia serán o escenario dunha nova coprodución teatral do Centro Dramático Galego que, baixo o título Costa da Morte, cartografía dun naufraxio, ten xa programadas 17 representacións entre os meses de xuño e xullo. A creadora Mariña Lestón asina a dramaturxia, dirección e produción desta montaxe, que ela mesma pon en escena para propoñer unha viaxe pola nosa historia marítima a través de relatos reais e cantigas populares interpretadas en directo. Desta volta, Costa da Morte, cartografía dun naufraxio busca poñer en valor o pasado marítimo de Galicia como parte dunha identidade propia, atopándose co público en faros, peiraos, praias e outros lugares de numerosas localidades costeiras.
A campaña é froito da colaboración entre a Xunta e a Federación Galega de Comercio e conta co apoio das Federacións Provinciais de Comercio, as asociacións de comerciantes, os centros comerciais abertos de Galicia e de Abanca. Ten como novidade esta edición -a maiores do sorteo das 44 tarxetas por valor de 250 euros e 60 de 150 euros para mercar nos comercios minoristas galegos- o sorteo en directo entre os asistentes á entrega de premios dun premio de 3.000 euros, para gastar nunha xornada de compras na localidade elexida pola persoa gañadora. Tamén co obxectivo de acadar un impacto directo sobre os comercios e o tecido asociativo de contornas máis locais, darase continuidade á campaña Merca no teu comercio.
