jueves, 1 de octubre de 2026
Nota de prensa remitida por el Gabinete de Comunicación de la Xunta de Galicia:
A Xunta de Galicia, a través de Turgalicia, da Secretaría Xeral para o Turismo, vén de poñer en marcha unha nova iniciativa que permite visitar virtualmente as cinco catedrais galegas na web www.turgalicia.es.
Trátase de visitas fotográficas en 360 graos que posibilitan desenvolver auténticas tours turísticas para visualizar e apreciar os recursos e detalles arquitectónicos das catedrais galegas.
A visita realízase a través de imaxes inmersivas e esféricas, o que permite ao visitante internarse en todas as estancias da catedral: capelas, retablos, facer xiros, e enfocar detalles para apreciar os elementos construtivos destes monumentos.
A través da web de Turgalicia, o visitante que entre neste apartado, que desde hoxe atopará na páxina de acceso, poderá elixir unha catedral para interactuar. Poderá moverse en calquera dirección, facer achegamentos (zoom), xiros ou pararse nos detalles.
O movemento automático, a visión a pantalla completa e o son ambiente son outras das características que sorprenderán ao visitante.
A inclusión deste novo servizo virtual na páxina web do Turismo de Galicia, obedece á estratexia de implantación da nova marca turística da Comunidade galega, Galicia, gárdasme o segredo?, na que se aposta por achegar aos potenciais clientes turísticos de Galicia un marco de experiencias turísticas que faga máis atractiva a presentación da oferta turística galega.
Deste xeito, a Xunta xa desenvolveu unha experiencia semellante a esta da catedrais cos mosteiros galegos, que desde o pasado ano se poden visitar virtualmente desde a mesma web de Turgalicia.
Fotografía: Carlos Rodríguez Arias.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
