jueves, 1 de octubre de 2026
Nota de prensa remitida por el Gabinete de Comunicación de la Xunta de Galicia:
O Plan de Competitividade Turística Portas de Galicia, no que participa a Consellería de Cultura e Turismo, pon en marcha o programa Inverno de entroido no oriente ourensán, co fin de ofrecer propostas turísticas atractivas utilizando os produtos máis representativos do oriente de Ourense. Ademais da Secretaría Xeral para o Turismo, participan tamén nesta iniciativa Turespaña, a Asociación de Municipios das comarcas Conso-Frieiras e Monterrei, e a Asociación de Empresarios de Hostelería Portas de Galicia
Os entroidos do oriente de Ourense convértense en produto turístico nas comarcas de Verín e Viana, que propoñen catro propostas moi suxestivas como gastronomía, escapadas, rutas en automóbil e experiencias de entroido. Nesta proposta o entroido e inverno son sinónimos, e é que coa integración neste produto turístico de servizos e entroidos de 12 municipios ourensáns o calendario amplíase no tempo e a cantidade de actos programados, abarcando desde a mesma noite de ano novo ata entrado o mes de marzo. Para incentivar as visitas ao oriente de Ourense e os seus entroidos, si a reserva se fai antes do 31 de decembro o desconto é do 20%.
A idea central do produto Inverno de entroido establece que entre os actos festivos e os días con actividades propias do carnaval pódense realizar outras propostas e achegarnos a un territorio rico en sensacións como as escapadas románticas, percorridos por estradas descubrindo aldeas, ou os maiores embalses de Galicia e impresionantes bosques autóctonos. Tamén pódese achegar ás adegas da Denominación de Orixe Monterrei e como non, degustar a gastronomía típica do entroido co cocido e a cachucha como protagonistas indiscutibles.
Catro propostas turísticas
As escapadas son unha serie de paquetes de fin de semana en hotel spa de 4 estrelas, aloxamentos rurais e outros con prezos desde 65 euros por persoa. As rutas en automóbil son dúas, unha que percorre lonxitudinalmente o val do río Támega e xa que logo o Val de Monterrei ata a súa entrada en Portugal na que destacan o castelo de Monterrei, as adegas da D.O. Monterrei e os mananciais termais de Verín. A segunda ruta é un itinerario polas terras altas, circulando sempre por estradas secundarias para descubrir os recunchos con máis encanto do territorio.
A proposta gastronómica lévanos a descubrir os produtos máis enxebres da terra a través de menús de tempada nos restaurantes da zona e dos eventos e festas gastronómicas como a da androlla de Viana do Bolo. Os menús-degustación e de entroido oscilan entre os 20 e os 35 euros por persoa. As experiencias de entroido son unha selección dos momentos máis excitantes do entroido.
Inverno de entroido promociónase a través de catro folletos, un por cada proposta, e o sitio web www.inviernodeentroido.com, onde se pode acceder ao calendario dos momentos máis importantes do entroido, os mapas do territorio coas rutas, as situación dos establecementos, as ofertas asociadas a cada proposta e como non, información do territorio e dos entroidos. Na web www.sientegalicia.com tamén se poden adquirir escapadas de Invierno de entroido.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
