viernes, 19 de junio de 2026
Nota de prensa remitida por el Gabinete de Comunicación de la Xunta de Galicia:
Galicia recibiu nos oito primeiros meses do ano un total de 6.494.088 visitantes, un 6,5% máis respecto ao mesmo período do pasado Ano Santo. Esta cifra resulta de sumar o número de viaxeiros contabilizados na oferta de turismo regrado (2.679.974 viaxeiros) máis o total de excursionistas estranxeiros que chegaron a Galicia entre xaneiro e agosto (3.814.114 excursionistas).
De forma detallada, os últimos datos do Instituto Nacional de Estatística (INE) revelan que a comunidade galega rexistrou entre xaneiro e agosto de 2011 un total de 2.679.974 viaxeiros procedentes do total da conxuntura turística regrada (hoteleira e extrahoteleira). Analizando as dúas partes por separado, o informe do INE contabiliza 2.324.132 viaxeiros nos establecementos hoteleiros e un total de 355.842 viaxeiros nos establecementos extrahoteleiros (apartamentos turísticos, campamentos e establecementos de turismo rural).
A estas cifras hai que sumar o número de excursionistas estranxeiros que chegaron a Galicia e que, segundo os datos provisionais de Frontur, que analiza os movementos en fronteira, suman un total de 3.814.114 persoas.
Respecto da conxuntura turística do mes de agosto nos establecementos extrahoteleiros (apartamentos, cámpings e turismo rural), os datos do INE amosan un incremento xeral do 3,7% no volume de viaxeiros e do 1,7% nas pernoitas respecto do ano 2009, último ano non Xacobeo. Considerando toda a oferta turística regrada do mes (hoteleiro e extrahoteleiro), o aumento no volume de viaxeiros respecto do Ano Santo foi tamén do 1,5%.
Este aumento débese sobre todo á suba da demanda nos apartamentos turísticos do 16,5% na cifra de viaxeiros e do 2,5% na das pernoitas en relación ao pasado Ano Santo, acadando esta modalidade no mes de agosto o máximo histórico dos últimos dez anos neste período.
As grandes cifras de demanda turística no segmento extrahoteleiro quedan por encima dos rexistrados no mes de agosto de 2009, último ano non Xacobeo, consecuencia dos mellores datos observados nos apartamentos turísticos, que presentan un incremento do 21,28% no volume de viaxeiros, e nos cámpings, cunha suba do 9,6%.
Sanxenxo volverá converterse este verán nun dos grandes referentes da música en directo en Galicia coa celebración da cuarta edición de Costa Feira, un evento que ofrecerá máis dunha decena de concertos e propostas musicais entre os meses de xullo e agosto no recinto do Polígono de Nantes. O ciclo arrancará o 24 de xullo con Wake Up! in Costa Feira e continuará o 28 de xullo e os días 4, 11 e 18 de agosto coa proposta Electrolatino, que reunirá artistas destacados neste xénero como Henry Méndez, Danny Romero, Jose de Rico, Anthony & Yeigo, Jay Santos, Marc Magán ou Mar Lucas.
Ponse en marcha a programación da 14ª edición de Cultura no Camiño, que este verán ofrecerá 316 espectáculos escénicos e concertos a cargo de 147 formacións artísticas en 87 concellos galegos situados nas diferentes rutas xacobeas. Trátase dunha proposta enmarcada na campaña Para gustos, cultura, que este ano chegará a 200 localidades con máis de 3.600 propostas. O calendario de Cultura no Camiño para este ano, que se abriu esta semana con paradas en Ribadumia, onde Marta Ortiz presentou Canta, Bugina, canta! na Escola Infantil, e en Miño coa proposta A maxia dos libros, do Mago da Boina e Nami, no Centro de Día, continuará hoxe de novo en Ribadumia con Donas do lugar, un espectáculo de narración oral a cargo de María da Pontragha.
