jueves, 16 de abril de 2026
Nota de prensa remitida por el Gabinete de Comunicación de la Xunta de Galicia:
O ciclo musical Galicia Importa que conta coa colaboración da Consellería de Cultura e Turismo vén de poñer á venda as entradas para os concertos das cinco novas incorporacións ao seu cartel. Durante os meses de outubro e novembro terán lugar no marco deste ciclo os concertos dos artistas internacionais Patrick Wolf, Bonnie Prince Billy, Adam Cohen, Aloe Blacc e Bettye Lavette en escenarios de Vigo, A Coruña e Santiago de Compostela. Deste xeito, a Xunta de Galicia porá o broche final ao Ano da Música de Galicia, que conmemora ao longo deste 2011. As entradas para asistir a estes concertos pódense adquirir a través das canles habituais do ciclo: a páxina web www.servinova.com, o teléfono 902 43 44 43 ou das tendas Discos Elepé en Vigo, Discos Gong en Santiago e Discos Portobello en A Coruña.
O primeiro dos cinco novos concertos do ciclo Galicia Importa será o 13 de outubro, na Sala Mondo de Vigo. Neste escenario actuará o británico Patrick Wolf, que amosará ao público galego o seu quinto traballo, Lupercalia. A seguinte cita do Galicia Importa terá lugar no auditorio de ExpoCoruña, onde o 22 de outubro actuará Bonnie Prince Billy, no que será o seu primeiro en concerto en Galicia. Will Oldham, herdeiro da música de raíz do seu Kentucky natal, converteuse nos últimos anos nun dos nomes máis admirados e respectados da escena americana dos últimos anos. Bonnie Prince Billy é considerado por moitos como herdeiro musical de Bob Dylan e os seus discos relaciónano con grandes nomes como Johnny Cash, Nick Drake ou Neil Young.
Cinco días despois, o 27 de outubro, será a quenda de Adam Cohen, que actuará no Salón Teatro de Santiago de Compostela. O cantante e compositor, fillo de Leonard Cohen, presentase por primeira vez en España e farao nunha xira con só tres paradas: Madrid, Barcelona e Santiago. Neste concerto, Adam Cohen presentará o seu novo disco, que leva por título Like a man e que lanzará no mes de outubro.
Xa en novembro, será a quenda do cantante de soul Aloe Blacc, que actuará o día 6 dese mes na Sala Capitol de Santiago de Compostela. Este mozo californiano, ao que moitos sinalan como herdeiro de Marvin Gaye, interpretará os temas do seu último disco, titulado Good Things e que o converteu na gran revelación do soul actual.
O quinto concerto que se incorpora ao ciclo Galicia Importa é o da cantante Bettye Lavette, que actuará o 8 de novembro no Teatro Rosalía de Castro de A Coruña. Despois dunha longa carreira, Bettye Lavette é recoñecida como unha das grandes voces do soul. Compañeira de xeración de Aretha Franklin ou de Diana Ross, nos últimos anos estivo presente nos festivais máis prestixiosos de jazz, blues ou soul, ademais dos seus shows en recintos emblemáticos como o Apollo de Nova York ou o Royal Albert Hall de Londres.
Enmarcado na celebración en 2011 do Ano da Música, Galicia Importa ofrece unha programación regular con grupos ou artistas que nunca visitaron Galicia ou que pola súa traxectoria, estilo ou relevancia, merezan ser presentados ao público galego en actuacións únicas e formatos especiais. Na mesma liña que na pasada edición, o Galicia Importa continua apostando por un prezo notablemente máis baixo na venta de localidades que os concertos dos mesmos artistas noutras cidades da Península, para facilitar así que a música en vivo chegue aos milleiros de seguidores cos que conta en Galicia. Nesta edición 2011 xa puidemos gozar da música de Pete Doherty en Santiago, de Jay Jay Johanson na Coruña, e do estadounidense M. Ward en Vigo.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
