domingo, 19 de abril de 2026
Nota de prensa remitida por el Gabinete de Comunicación de la Xunta de Galicia:
A banda británica The Specials incorpórase ao cartel do festival Rock in Way promovido pola Consellería de Cultura e Turismo e a S.A. de Xestión do Plan Xacobeo que se celebra no Monte do Gozo de Santiago os días 9 e 10 de setembro. O festival, organizado por Zircozine Music, con Last Tour International como empresa asociada, conta ademais co patrocinio de Estrella Galicia e Gadis. O mítico grupo, que deu unha nova dimensión ao ska a finais dos anos 70, será un dos pratos fortes do festival. Nos próximos días anunciaranse os nomes das dúas bandas internacionais que completarán un cartel no que xa figuran The Offspring, The Toy Dolls, Rinôçérôse, Sôber, Delorean, Muchachito Bombo Infierno, Las Pelotas, Tote King, Triángulo de Amor Bizarro e outros oito grupos galegos.
The Specials é unha banda formada en Coventry (Inglaterra) en 1977. É un dos grupos máis relevantes de finais dos 70 e principios dos 80, cunha grande influencia na música das décadas seguintes. The Specials mesturaron os ritmos bailables xamaicanos do ska e o rocksteady coa enerxía e a actitude do punk e un importante compromiso social e político, especialmente no seu posicionamento contra o racismo. Desa mestura naceu o estilo chamado 2 Tone e o éxito de cancións como Ghost Town, Too Much Too Young, A Message To You, Rudy, Free Nelson Mandela e Gangsters. Logo dos discos Specials (1979) e More Specials (1980), a banda viviu décadas de cambios de formación e aventuras paralelas, ata que en 2008 a maior parte dos membros volveu xuntarse, de novo baixo o nome de The Specials. Agora actuarán por primeira vez en Galicia, logo de ser o ano pasado unha das actuacións destacadas do Festival de Benicàssim.
O festival completará pronto un cartel de 20 bandas en dous escenarios. Destaca a presencia de The Offspring, un dos grupos de rock máis grandes do mundo, as lendas da música The Specials e The Toy Dolls, a mestura de rock e electrónica de Rinôçérôse e Delorean, os potentes directos de Triángulo de Amor Bizarro, Muchachito Bombo Infierno, Tote King e Sôber, e os clásicos do rock arxentino Las Pelotas. Xunto a Triángulo de Amor Bizarro, a ampla representación galega está formada por Niño Y Pistola, The Blows, Igloo, Dirty Socks, Novedades Carminha, Los Chavales, Riff Raff e Temazo Showcase (Malandrómeda, Juanito Broders e Furnier).
O festival quere chegar a todos os petos, polo que aposta por ofrecer abonos de dous días con cámping incluído a prezos anticrise, en lugar de entradas dun só día. Ata o 17 de xullo, os 5.000 primeiros abonos custan 29 euros máis gastos de distribución. Un acordo con Hotel Ciudad de Vacaciones Monte do Gozo permitirá aos que adquiran abonos reservar aloxamento con prezos especiais no albergue e o hotel situados ao lado do recinto dos concertos.
Os puntos de venda serán os seguintes:
- Ticketmaster: www.ticketmaster.es
- Novacaixagalicia: 902 43 44 43, www.novacaixagalicia.es, www.servinova.com
- A Reixa Tenda (Santiago) Pub A Reixa (Santiago).
- Discos Portobello (A Coruña).
- Discos Elepé (Vigo)
- Peggy Records (Ourense).
- Don Disco (Lugo)
- Hiper Froiz (Pontevedra).
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
