lunes, 2 de junio de 2025
Nota de prensa remitida por el Gabinete de Comunicación de la Xunta de Galicia:
O conselleiro de Educación e Ordenación Universitaria, Xesús Vázquez Abad, e o secretario xeral de Política Lingüística, Anxo Lorenzo, entregaron os premios do Concurso-Exposición Letras Galegas 2011, que este ano recaeron no CEIP de Laredo, en Redondela, e na Escola Superior de Arte Dramática de Galicia. Os premios están organizados, un ano máis, pola Xunta de Galicia.
O conselleiro de Educación gabou o traballo realizado polos centros gañadores. Coa base da obra e da vida do poeta de Monforte creastes unha realidade diferente, única e auténtica, afirmou. Os vosos traballos engadiu partiron da obra extraordinaria e inmortal de Lois Pereiro, que trata temas cruciais do ser humano, como a vida, os soños, o amor, a enfermidade ou a morte.
Xesús Vázquez afirmou que estes temas da literatura universal se abordan xeración tras xeración en diversas linguas, pero Lois Pereiro decidiu transmitírnolos en galego, na súa lingua creativa. Por iso asegurou a súa mensaxe nos chega máis directa e profundamente.
Pola súa parte, Anxo Lorenzo destacou o labor dos equipos de dinamización da lingua galega dos centros de ensino. Neste sentido, asegurou que constitúen un amplo tecido de dinamización lingüística que traballa desde hai anos no ensino con resultados moi positivos grazas a dúas características principais: que inciden na mesma poboación durante anos de maneira continuada e que o profesorado que está detrás dos equipos a miúdo ten unha implicación e un entusiasmo pola tarefa dinamizadora e pola tarefa educativa que soborda os límites do estrito deber.
Por iso, a secretaría xeral leva facendo un esforzo grande de recoñecemento, financiamento, orientación, coordinación e difusión do labor dos equipos que deu froitos especialmente positivos nos últimos anos, declarou.
No acto de entrega de premios tamén participaron a delegada territorial da Xunta de Galicia en Vigo, Lucía Molares; o xefe territorial de Educación de Pontevedra, César Pérez, e mais o concelleiro de Cultura de Redondela, Eduardo Reguera.
Distribución dos carteis gañadores en todos os centros de ensino
Os grupos de traballo que realizaron as exposicións premiadas recibiron cadanseu diploma acreditativo e mais un premio en metálico por importe de 4.000 euros, nun acto celebrado esta mañá no CEIP de Laredo, en Chapela, Redondela. Os carteis gañadores foron distribuídos este mes das letras pola consellería en máis de 2.000 puntos de Galicia e do exterior, nos que se inclúen centros de ensino, centros de estudos galegos, centros da emigración, bibliotecas municipais e casas da cultura.
O departamento que dirixe Xesús Vázquez quixo sumarse á conmemoración do Día das Letras Galegas 2011 a través da convocatoria deste concurso-exposición que está dirixido a todos os centros de ensino non universitario de titularidade da consellería. Con esta iniciativa pretende impulsar o estudo da obra de Lois Pereiro entre o alumnado, favorecer a reflexión sociolingüística sobre o contexto en que viviu, impulsar a realización de actividades que fomenten a colaboración interdepartamental e que potencien a implicación activa do profesorado e do alumnado e enriquecer a oferta de materiais existentes en lingua galega.
O músico norteamericano acumula, entre outros logros, catro discos de ouro, dous de platino e máis de seis millóns de discos vendidos en todo o mundo. A lista de recoñecementos que recibiu ao longo dos anos é tamén extensa: entre outros, un doutor Honoris Causa do prestixioso Berklee College of Music, o Premio Honorífico Miles Davis outorgado polo Festival de Jazz de Montreal, un Premio á Traxectoria da BBC outorgado por sir George Martin en 2008 ou numerosos nomeamentos e premios Grammy. Al Di Meola, un auténtico xenio da guitarra e un prolífico compositor, acumula máis de 30 álbums como líder, ademais de moitos outros onde participou, con figuras como o supergrupo de fusión Return to Forever, o célebre Guitar Trio ou o trío Rite of Strings.
O conselleiro de Sanidade, Antonio Gómez Caamaño, subliñou o novo fito acadado pola atención primaria galega ao conseguir cubrir a totalidade das prazas de formación convocadas para a especialidade de medicina e de enfermería comunitaria, un total de 260. Segundo explicou, 'Galicia terá a maior cobertura de prazas de formación en atención primaria dos últimos anos', ao lograr cubrir 207 prazas na especialidade de medicina familiar e comunitaria e outras 53 no ámbito da enfermería. Caamaño destacou que este feito amosa que as propostas trasladadas polo Goberno galego ao Ministerio de Sanidade eran medidas necesarias e acertadas.
