domingo, 19 de abril de 2026
Nota de prensa remitida por el Gabinete de Comunicación de la USC:
A presentación do novo disco de Abraham Boba, Los días desierto, abre unha nova edición do ciclo Lubicán, promovido por Lugo Cultural. Este primeiro concerto dos catro que conforman este ano a programación do Lubicán, terá lugar o xoves 10 de marzo no Círculo das Artes da cidade de Lugo ás 20.30 horas e a entrada é de balde.
O músico dará a coñecer os temas do novo traballo que sae á luz por estas datas. Trátase do seu terceiro disco no que o pop de autor se transmite a través das letras,a voz, o piano, a guitarra e o acordeón, instrumentos cos que Boba interpreta historias persoais dende un universo musical propio. En Los días desierto o autor mantén a marca dos seus discos anteriores na voz, no piano e no acordeón, mantén o pop, o folk e os referentes clásicos, pero introduce un formato máis eléctrico e enriquecido con outros matices coma os corais.
A cuarta edición do Lubicán, que ten por obxecto achegar ao público lucense a música feita por grupos galegos de diferentes estilos e formacións, desenvolverase entre marzo e xuño. As actividades que comprende forman parte á súa vez do programa Lugo Cultural, promovido pola USC, Concello de Lugo, Xunta de Galicia, Deputación de Lugo Novacaixagalicia, sendo xestionado pola Vicerreitoría de Extensión Universitaria, Cultura e Sociedade.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
