sábado, 31 de octubre de 2026
Nota de prensa remitida por el Gabinete de Comunicación de la Xunta de Galicia:
A Fundación Cidade da Cultura de Galicia organiza no Círculo de Bellas Artes de Madrid, do 7 de febreiro ao 13 de marzo, a exposición Peter Eisenman.Cidade da Cultura de Galicia, unha iniciativa enmarcada nas accións de promoción exterior da infraestrutura cultural do Gaiás.
O conselleiro de Cultura e Turismo, Roberto Varela, presentará a exposición nunha rolda de prensa que terá lugar ás 13,00 horas no espazo da Azotea do CBA. A continuación, Roberto Varela presidirá a inauguración da mostra nun acto que contará coa presenza ademais do arquitecto estadounidense Peter Eisenman; o presidente do Círculo de Bellas Artes, Juan Miguel Hernández León, e o delegado da Xunta en Madrid, José Ramón Ónega.
A exposición Peter Eisenman.Cidade da Cultura de Galicia reúne un total de 50 fotografías de gran tamaño do complexo arquitectónico do Gaiás. As imaxes amosan os dous edificios da Biblioteca e do Arquivo de Galicia, inaugurados o pasado 11 de xaneiro, así como diferentes detalles do proceso construtivo.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
