lunes, 20 de abril de 2026
Nota de prensa Grupo Fotocinematográfico Fonmiñá/Galiciadigital.com:
Nun acto celebrado na Deputación Provincial de Lugo, foi presentada oficialmente a Semana Internacional de Cine de Autor de Lugo, na súa edición númrero XXXII. A primeira semana celebrouse en 1979, e desde entón o outono lucense ten como singular punto de referencia cadansúa Semana de Cine de Autor.
A semana está organizada polo Grupo Fotocinematográfico Fonmiñá, cos patrocinios ou apoios de Deputación Provincial de Lugo (Vicepresidencia 1ª), Concello de Lugo, Xunta de Galicia, Xacobeo, Caixa Galicia, Universidade de Santiago-Campus de Lugo, Colexio de Arquitectos, e a plataforma en internet Galicia Digital.
Durante a celebración da Semana Internacional de Cine de Autor, será estreado o documental realizado en Arxentina e producido por Fonmiñá, sobre a vida e obra de Enrique Muíño, titulado Les voy a contar mi vida. Este aborioso traballo de investigación está dirixido por Federico Santillana, cun guión do propio director e de Manuel Curiel Fernández (Director da Semana de Cine de Lugo). A realización de dito documental e a súa estrea en España, coincidindo coa Semana de Cine, forma parte das homenaxes que a Semana brindará ao Gaucho Galego Enrique Muíño. Igualmente as películas do ciclo dedicado a Enrique Muíño foron subtituladas ao galego para unha mellor comprensión dos seus diálogos. A subtitulación foi igualmente realizada en Arxentina.
Actuación de Achádego
O acto de presentación comezou cunha representación do grupo de teatro Achádego, colaborador da Semana, que na explanada diante da Deputación efectuou unha posta en escea orixinal do propio grupo relativa ó impacto dunha producción cinematográfica de Hollywood na capital lucenses, na que se reflicte a revolución causada por esta película nos diversos estamentos cidadáns lucenses. Tradicionalmente, Achádego colabora coa Semana, xa creando pequenas obras con referencias cinematográficas para o momento da presentación, xa caracterizando personaxes da historia do cine que, paseando pola capital lucense, difunden a Semana de Cine e o cine mesmo.
Presentación oficial
Seguidamente, no salón de actos da Deputación Provincial presentouse a Semana nun acto no que interviu Antón Bao (Vicepresidente 1º da Deputacióh), como anfitrión, estando presentes Nuria Mundiña, Concelleira de Cultura, en representación do Concello de Lugo; Marta Barreiro Castro, Xefa territorial de Presidencia, en representación da Xunta de Galicia e o Xacobeo; Sinesio Pérez, Director en Lugo da Fundación Caixa Galicia; e Pedro García Herradón, Vicerreitor e Pablo Ramil, director do Ibader, en representación da Universidade. Polo grupo organizador interviñeron Manuel Curiel Fernández, Director da Semana de Cine, e Xulio Xiz, Presidente do grupo Fotocinematográfico Fonmiñá.
Para coñecer detalles da Semana, ofrecémoslles ampla información na páxina do Grupo organizador, www.fonmiña.es.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
