lunes, 20 de abril de 2026
Nota de prensa remitida por el Gabinete de Comunicación de la Consellería de Cultura e Turismo de la Xunta de Galicia:
Arcade Fire, Echo and The Bunnymen, The Temper Trap e os galegos Cornelius 1960 compoñen o cartel de MTV Galicia, un festival de entrada gratuíta que se celebrará o próximo 5 de setembro no Monte do Gozo de Santiago de Compostela e que forma parte da programación de Xacobeo 2010. O festival MTV Galicia 2010 do 5 de setembro será emitido dentro do espazo MTV World Stage, que pode verse na maior parte da rede internacional de canles de MTV.
Tralo éxito global dos seus discos anteriores, Neon Bible e Funeral, Arcade Fire regresaron o pasado 3 de agosto coa publicación do seu esperado terceiro disco, The Suburbs. A día de hoxe, están quecendo motores con varios concertos en Europa. De feito, tocarán dúas noter no Madison Square Gardem de Nova York antes de ser cabezas de cartel no festival de Reading. Arcade Fire son coñecidos polas súas inspiradoras actuacións en directo. En España, encabezaron o cartel do Summercase no ano 2007. O último disco da revista Mondo Sonoro defíneos como a banda máis arrebatadora deste arranque de século.
Pola súa banda, a banda británica Echo and The Bunnymen naceu en Liverpool no ano 1978. A formación orixinal estaba constituída por Ian McCulloch, Will Sergeant e Les Pattinson acompañados por unha caixa de ritmos. Tralo seu primeiro album, Crocodiles (1980) a caixa de ritmos foi substituída por Pete de Freitas. Heaven up here (1981) logrou acadar o posto número dez na lista dos máis vendidos do Reino Unido e obtivo moi boas críticas. Sucedeu o mesmo con Porcupine (1983). Con todo, o seu gran éxito chegou con Ocean Rain (1984). Deste disco saíron varios singles, entre eles, o seu emblemático tema The Killing Moon, que chegou a formar parte da banda sonora orixinal da película Donnie Darko.
O grupo conta con numerosos discos no mercado: no 1987 lanzan un álbum co mesmo nome da banda; Reverberation saíu no 1990; en 1994 viu a luz Electrafixion; Evergreen en 1997; What Are You Going to Do with Your Life? en 1999; Flowers en 2001 e Siberia en 2005. O seu último álbum, The Fountain, publicouse en 2009.
A banda de Melbourne The Temper Trap sorprendeu en 2009 a todo o mundo musical coa súa canción Sweet Disposition. Medios especializados, blogs, algún concertos e a súa participación na banda sonora da película 500 Días Juntos aumentaron a súa popularidade. Un feito que desembocou no lanzamento do seu disco de debut, chamado Conditions. The Temper Trap regresa agora a España trala súa actuación no pasado Festival de Benicassim.
Por último, os galegos Cornelius 1960 levarán a MTV Galicia as súas cancións, que parecen feitas para soñar, cantar a coro ou emocionarse. Nelas vense desde reminiscencias de Oasis ata a frescura soul bailable de Jamiroquai, ou o rock de Strokes. Para o seu primeiro disco contaron con produtores e enxeñeiros que xa traballaron con Madonna, Rihanna, Suede, Van Morrison ou Amy Winehouse.
HORARIO MTV GALICIA 2010
18:30 CORNELIUS 1960
19:20 THE TEMPER TRAP
20:25 ECHO&THE BUNNYMEN
22:00 ARCADE FIRE
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
