lunes, 20 de abril de 2026
Estes cursos Celga están dirixidos ás persoas adultas que, pola súa situación laboral ou localización xeográfica, teñen dificultades para acceder á oferta formativa habitual en galego. Polo tanto, o fin prioritario desta iniciativa é facilitarlle a posibilidade de recibir formación en galego a un sector da sociedade que precisa dunhas condicións e horarios especiais.
Os cursos, un total de catro dos niveis Celga 1 ao Celga 4, teñen unha duración de 75 horas. A súa organización baséase na metodoloxía semipresencial, que combina a escoita a través das emisións abertas de ECCA ou a escoita grazas á rede en mp3, a clase a distancia con material didáctico impreso e a asistencia a clases nas que se practica a expresión oral.
A Fundación ECCA é unha entidade de ámbito nacional que se dedica á formación de adultos a través dunha cadea de emisoras culturais de radio. Concretamente en Galicia dispón dunha rede de centros de educación permanente de adultos distribuídos polas catro provincias, o que supón unha infraestrutura idónea para estender a cobertura do territorio.
Pola súa parte, Política Lingüística está traballar para darlle facilidades ao amplo sector da poboación adulta que desexa adquirir ou mellorar a súa competencia en galego. Froito deste esforzo é o primeiro curso en liña orientado á preparación da certificación de lingua galega no nivel 1, que botará a andar o próximo 4 de setembro. Trátase dun primeiro paso nun ambicioso proxecto que aproveita as vantaxes que ofrecen as novas tecnoloxías da información e da comunicación para os medios formativos.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
