domingo, 1 de noviembre de 2026
Nota de prensa remitida por el Gabinete de Comunicación de la Xunta de Galicia:
O grupo Efecto Mariposa será o encargado de abrir o venres, 18 de xuño, en Lugo o programa 40 en XCB (40 en Xacobeo), que impulsado por Xacobeo 2010 e a Cadena 40 Principales traerá a Galicia aos artistas máis notables do pop español. A banda malagueña actuará na Praza de Santa María a partir das 21.30 horas e compartirá escenario co cantautor coruñés Carlos Bau e a banda viguesa Ragdog.
Efecto Mariposa chega a Lugo co galardón á mellor canción nacional do ano 2009, acadado nos Premios 40 Principales polo tema Por quererte, primeiro single do seu sexto álbum, 40:04, e que conseguiu chegar ao número un no célebre listado semanal da canle musical.
Pola súa banda, cunha longa e intensa traxectoria musical, Carlos Bau é un cantautor de A Coruña, que ven de ser galardoado nos Premios da Música na categoría de mellor canción en galego polo seu tema Nada. Do mesmo xeito, compuxo cancións para outros artistas, como Nuria Fergó ou Lydia (actual solista de Presuntos Implicados), ademais de compartir escenario con Antonio Vega ou Rosa Cedrón.
Tamén actuará a banda viguesa de power pop Ragdog, primeiro grupo lanzado polo Sello Espacio Movistar, co seu disco debut distribuído integramente a través de internet, non existindo formato físico do mesmo.
Enmarcado no Camiño da Música da programación de Xacobeo 2010, o programa 40 en XCB, que terá carácter gratuíto en todos os seus concertos e que chegará a catro cidades galegas este verán. A Efecto Mariposa, seguiranlle Macaco en Ourense, Melendi en Santiago, e El Sueño de Morfeo en Pontevedra. Todos eles compartirán escenario con grupos e artistas galegos. Con esta iniciativa, Xacobeo reforza a súa aposta por ofrecer contidos de diferentes estilos para satisfacer as demandas de todo tipo de público.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
