lunes, 22 de junio de 2026
Nota de prensa remitida por el Gabinete de Comunicación de la Xunta de Galicia:
O concerto de BellónMaceiras Quinteto pecha o venres 30 de abril, ás 20.30 horas no Salón Teatro de Santiago, a primeira entrega do programa ST Música Presente, creado pola AGADIC (Axencia Galega das Industrias Culturais) co obxectivo de facilitar a promoción especial de novos traballos discográficos galegos a través de actuacións dirixidas preferentemente a un público especializado, pero abertas tamén a todos os espectadores interesados en función do aforo dispoñible. Promovido xunto a Abada Xestión Cultural, no concerto de mañá a banda interpretará os temas de Folkfusión, título do seu primeiro disco como quinteto que define, asemade, a principal característica do seu son.
O gaiteiro e saxofonista Daniel Bellón e o acordeonista Diego Maceiras xuntáronse en 2005 para poñer en marcha o seu proxecto común, que dous anos despois presentarase xa como quinteto. Así, o guitarrista Juan Cabe, o batería Miguel Lamas e o contrabaixista Juan Tinaquero uníronse aos dous novísimos intérpretes para dar forma a unha banda que asenta o seu traballo na fusión de estilos musicais e no virtuosismo dos seus compoñentes.
No traballo discográfico que presentarán no concerto do Salón Teatro, o quinteto fusiona o novo folk galego coas chamadas músicas do mundo e deixa igualmente lugar para a improvisación, de xeito que a gaita non só interpreta muiñeiras, senón tamén tango, swing, blues, habaneras, jazz, samba, valse francés
O son característico do grupo vén determinado, asemade, polas achegas musicais de cada un dos seus integrantes, que comparten o gusto pola mestura estilística do que nace o que eles mesmos denominan espicho: a introdución de partes dunha melodía coñecida dentro doutra peza.
As entradas para asistir á súa actuación de mañá en Santiago xa están á venda a través da billeteira electrónica da web www.caixagalicia.es e do teléfono 902 43 44 43 a un prezo especial único de 5 euros. No despacho de billetes do Salón Teatro poderán adquirirse mañá a partir das 18.30 horas.
O de BellónMaceiras Quinteto será o último dos seis concertos promocionais inseridos neste primeiro ciclo do programa ST Música Presente, que se vén desenvolvendo dende o pasado mes de abril no Salón Teatro e dentro do que xa actuaron Linho do Cuco, Anxo Lorenzo, Emilio Rúa, Álvaro Vieito e Ophiusa.
A iniciativa, deseñada e promovida pola AGADIC en colaboración con AGEM (Asociación Galega de Empresas Musicais) e Agaphono (Asociación Galega de Produtoras Fonográficas), ten como prioridade ofrecer ás discográficas galegas unha nova canle de promoción e difusión dos seus artistas dende unha perspectiva esencialmente comercial, xa que os principais destinatarios destes directos son programadores, promotores de festivais e certames de música, distribuidores, prensa especializada e demais axentes culturais de dentro e fóra de Galicia.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
