lunes, 2 de noviembre de 2026
Estrea do documental "Profesión Actor" no Consello da Cultura Galega
Nota de prensa remitida por Marcos Estebo:
O martes 30 de marzo, ás 19 horas, estrease a curtametraxe documental "Profesión Actor" no Salón de Actos do Consello da Cultura Galega, no Concello de Santiago de Compostela.
Este documental fala da profesión dos actores e actrices de Galicia, escollendo como enfoque a perspectiva laboral. Para iso, toma como fío conductor ó veterano intérprete Xosé Manuel Olveira "Pico", seguíndoo a través de gravacións de tv movies, curtametraxes ou ensaios de obras teatrais. Ó mesmo tempo entrecrúzanse coas súas opinións e andanzas a visión de varios actores e actrices galegos de distintas xeracións e formación diferentes.
"Profesión Actor" ten unha duración de 24 minutos, foi dirixida por Marcos Estebo, escrita por Ana Ponte e Marcos Estebo e conta con música do compositor compostelán Pilo Sierra. Grabouse no Teatro Principal e o Salón Teatro de Santiago, o Auditorio de Narón, Agolada, Ames... e contou cunha axuda da AGADIC.
Trala proxección hai unha charla coloquio co público na que participarán os actores e actrices participantes no documental: Xosé Manuel Olveira "Pico" ("As Actas Escuras, C.D.G.), Ricardo de Barreiro ("Matalobos", TVG), Susana Dans ("O clube da calceta", TVG), Avelino González ("Padre Casares", TVG), César Goldi ("As Actas Escuras", C.D.G.), Iván Marcos ("Eco", C.D.G.), Alba Fernández ("Pechado por aburrimento", Matarile Teatro), Fran Peleteiro ("Crónicas de días enteiros", Factoría Teatro) e Bea Bravo ("Padre Casares", TVG).
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
