viernes, 24 de abril de 2026
Nota de prensa remitida por el Gabinete de Comunicación de la Xunta de Galicia:
As produtoras Filmanova, Pulsar Cinema e Coraçao da Selva presentaron o filme Onde está a felicidade, unha coprodución galego-brasileira que se rodará no 2010 entre Sao Paulo e o Camiño de Santiago grazas ao Fondo de Coprodución Galicia-Brasil, asinado en xuño de 2009 entre o Consorcio Audiovisual de Galicia e a Agência Nacional do Cinema de Brasil (Ancine).
Actualmente este é o único acordo de coprodución audiovisual entre Brasil e España que conta con dotación económica, e vén demostrar a forte aposta do Consorcio Audiovisual de Galicia por acadar una maior presenza internacional do cinema galego. Outro dos factores que fixeron posible este proxecto foi a lusofonía e o feito de que Brasil é un dos países que máis peregrinos aporta ao Camiño a Compostela.
A selección dos proxectos faise de acordo a criterios cualitativos como a calidade, a orixinalidade e a estrutura do guión, ou o historial do equipo técnico e artístico; e, tamén, en base a criterios industriais como a traxectoria das empresas coprodutoras, a súa capacidade financeira ou a súa viabilidade comercial, tendo en conta, sempre, a relevancia das producións desde o punto de vista das relacións culturais entre Galicia e Brasil.
A longametraxe estará dirixida por Carlos Alberto Riccelli e escrita por Bruna Lombardi, responsables, ambos os dous, de obras como O Signo da cidade, Stress, Orgasms and Salvation e personalidades ben queridas e recoñecidas en Brasil. Contará cun elenco de actores galegos entre os que figuran: María Pujalte, Berta Ojea, Luis Zahera e Mela Casal; e, tamén, de Brasil, como a propia Bruna Lombardi e Bruno García.
Conta a historia dunha muller, Teo, que cre ter todo na vida: un marido que a quere, un bo traballo como presentadora de televisión nun programa de cociña e unha vida acomodada. Sen embargo, un bo día, queda sen traballo e descobre que o seu marido estalle a ser infiel a través de internet. Iníciase, así, unha crise de parella. Agora, sen marido e sen traballo, decide comezar unha nova vida. O seu produtor, Zeca, proponlle facer un programa documental entrevistando a persoas mentres recorren o Camiño de Santiago. Así que, Teo decide embarcarse no proxecto coa esperanza de poder atopar a felicidade de novo.
Onde está a felicidade Será, para Filmanova, a segunda película das producidas, na que se aborda o mundo dos peregrinos, logo de ter estreado en 2004 Tres no Camiño, dirixida por Larry Boulting.
A rodaxe en España conta ademais cun cameo do recoñecido escritor Paulo Coelho, unha das personaxes que máis divulgación internacional lle deron ao Camiño de Santiago, grazas ao seu libro El Peregrino de Compostela no que describe a súa experiencia vital nesta viaxe.
O festival Play-Doc desenvolverá do 29 de abril ao 3 de maio en Tui a súa 22ª edición para conectar memoria, creación actual e futuro do cinema galego e internacional. No ámbito galego, a programación desta edición volve ocupar un lugar central cunha Competición Galicia que reúne títulos de Xiana do Teixeiro, Roi Fernández, Xacio Baño, Adrián Canoura, Cristina Souto, Hugo Amoedo, Bea Lema, Berio Molina e Chloé Lecci López, entre outras voces. O festival mantén, ademais, a sección Sombras, dedicada nesta ocasión á recuperación da figura de Rafael Luca de Tena, e unha nova edición de Coming Soon, espazo no que se presentarán proxectos galegos en desenvolvemento. O Play-Doc continúa a reforzar a súa función de escaparate e plataforma de difusión para a produción audiovisual do país e como punto de encontro para novas obras e profesionais.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
