viernes, 24 de abril de 2026
Nota de prensa remitida por el Gabinete de Comunicación de la Consellería de Cultura e Turismo de la Xunta de Galicia:
O conselleiro de Cultura e Turismo, Roberto Varela, recibiu hoxe en San Caetano ao director e guionista da longametraxe Pedro e o capitán, Pablo Iglesias, e a Isaac Díaz Pardo, quen participou nas localizacións para a rodaxe do filme, quenes lle fixeron entrega do premio Bronze Palm Award recibido pola película no Festival Internacional de Cine de México. Roberto Varela agradeceu este xesto de recoñecemento ao apoio prestado ao cinema galego pola Consellería de Cultura, xa que a película contou cunha subvención de 35.000 euros. Segundo o conselleiro, Pedro e o capitán é un exemplo do audiovisual galego que queremos impulsar, aqueles produtos de calidade que demostran que nosa industria cultural pode e debe ser exportable.
Pedro e o capitán, escrita e dirixida por Pablo Iglesias, foi producida por Ledesma Producións cun orzamento inicial de 100.000 euros e rodada exclusivamente con medios dixitais. Trátase da adaptación dunha novela de Mario Benedetti que ten sido seleccionada por numerosos festivais internacionais: Festival de Porto, Festival das Amércias en Texas ou o Festival Internacional de México. Foi o único filme galego na Sección do Festival de Cine de Ourense, no que Miguel de Lira gañou o premio ao mellor actor protagonista. O premio Bronze Palm Award do Festival Internacional de Cine de México chegou agora a Galicia despois de que o equipo da película non puidera viaxar a América para recibilo por mor da gripe A.
A produtora Ledesma foi fundada en 2007 por Pablo Iglesias, marcándose como liña de traballo a realización de historias feitas en Galicia pero con vocación internacional. Entre os seus últimos proxectos teñen rematado o documental X.N.V., memorias dun emigrante sobre a figura de Xosé Neira Vilas e están a producir a longametraxe A noite equivocada.
O festival Play-Doc desenvolverá do 29 de abril ao 3 de maio en Tui a súa 22ª edición para conectar memoria, creación actual e futuro do cinema galego e internacional. No ámbito galego, a programación desta edición volve ocupar un lugar central cunha Competición Galicia que reúne títulos de Xiana do Teixeiro, Roi Fernández, Xacio Baño, Adrián Canoura, Cristina Souto, Hugo Amoedo, Bea Lema, Berio Molina e Chloé Lecci López, entre outras voces. O festival mantén, ademais, a sección Sombras, dedicada nesta ocasión á recuperación da figura de Rafael Luca de Tena, e unha nova edición de Coming Soon, espazo no que se presentarán proxectos galegos en desenvolvemento. O Play-Doc continúa a reforzar a súa función de escaparate e plataforma de difusión para a produción audiovisual do país e como punto de encontro para novas obras e profesionais.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
