lunes, 2 de noviembre de 2026
Nota de prensa remitida por el Gabinete de Comunicación de la USC:
Voces Ceibes, ao que o vicerreitor Elias Torres cualificou como a banda sonora da loita antifranquista en Galicia volve resoar na Facultade de Medicina o xoves 4 no transcurso dunha homenaxe que a USC lle tributará ao grupo musical. Integrantes da agrupación e de Ataque Escampe ofrecerán un concerto homenaxe que conducirán Manuel Pombo Arias e Bea Méndez a partir das 20:00 horas no Salón de Actos da Facultade de Medicina. Ademais, os integrantes do grupo descubrirán unha placa, no mesmo Salón de Actos do centro, en conmemoración do 40 aniversario dos seus primeiros concertos como agrupación, o primeiro o 26 de abril de 1968 e o seguinte xa o día 1 de decembro no Capitol.
Os actos homenaxe a este movemento musical xurdido nas aulas da USC presentáronos este mércores en rolda de prensa o vicerreitor de
Cultura, Elias Torres; o coordinador dos actos, Ricardo Gurriarán; e
Víctor Santidrián, en representación da Fundación 10 de Marzo.
A homenaxe é, segundo explicou o vicerreitor, unha actividade de
futuro que comezou a acontecer hai 40 anos, polo que o acto deste
xoves dará continuidade a unha secuencia inacabada, que vai seguir
dando froitos no futuro para unha sociedade mellor.
Á xornada está prevista a asistencia, entre outros, do presidente da
Xunta de Galicia, Emilio Pérez Touriño; do seu homólogo do Principado
de Asturias, Vicente Álvarez Areces; dos vicerreitores de Cultura e de
Relacións Institucionais da USC, Elias Torres e Lourenzo Fernández,
respectivamente; e do decano da Facultade, José M. Fraga.
A sesión comezará ás 19:30 horas co descubrimento por parte do
presidente da Xunta de Galicia dunha placa dedicada aos membros da
comunidade universitaria represaliados no curso 1967/1968 e a todos os que loitaron pola liberdade durante a ditadura franquista.
Xa ás 20:00 horas comezará á homenaxe propiamente a Voces Ceibes,
primeiro coa intervenciós dos seus integrantes para posteriormente
proceder ao descubrimento da placa conmemorativa con debuxos de
Acisclo Manzano. As autoridades académicas entregarán réplica desta
placa a cada un dos integrantes da agrupación.
Voces Ceibes é un movemento musical que xorde nas aulas da institución docente compostelá nuns momentos de tensa conflitividade e que se estenderán ao longo do curso 1967-1968. Algúns dos integrantes deste colectivo son hoxe membros do profesorado da USC como Guillermo Rojo ou Jaime Barreiro.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
