martes, 3 de noviembre de 2026
Nota de prensa remitida por el Ayuntamiento de Cangas do Morrazo:
Xa está operativa a nova páxina web do Salón do Cómic de Cangas (Pontevedra), impulsado pola Concellería de Xuventude. No enlace www.salondocomicdecangas.com está dispoñible toda a información sobre a duodécima edición do evento, que se celebra do 21 ó 27 de xullo. Poden consultarse tamén datos dos anos anteriores, cunha navegación moi doada que se estrutura en diferentes apartados.
O portal amosa un deseño unificado que manterá unha estética común ó longo das vindeiras edicións do Salón do Cómic para acadar unha meirande identificación, aínda que cada ano se adaptará a imaxe ó debuxo do cartel anunciador. En 2008, o cartaz está inspirado na garita do monte do Facho, que vén sendo o logotipo do evento nos últimos tempos. O póster foi elaborado por Kenny Ruiz, autor convidado en 2007 e que nese ano visitou as escavacións arqueolóxicas do Facho xunto ó resto de participantes e o Concelleiro de Xuventude, Óscar Graña.
Ademais do programa completo e as últimas novas sobre o Salón do Cómic, na web atópanse todos os datos da biografía e a obra dos convidados: Manel Fontdevila, Tirso Cons e Al Barrionuevo, así como dos autores que participaron en edicións previas. Poderán descargarse tamén en formato pdf os seis números da revista O Tebeo, editada pola Concellería de Xuventude. Esta publicación reúne os traballos gañadores do Certame de Cómic que o departamento municipal convoca cada ano por estas datas.
Tendo en conta a ampla repercusión do Salón do Cómic de Cangas, a páxina incorpora mapas e explicacións nun dos seus apartados para que todos os interesados saiban cómo chegar ó municipio, á Casa da Xuventude e ó edificio do Auditorio, onde se desenvolven as actividades. De feito, a web pode atoparse en dous idiomas: galego e castelán.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
