martes, 3 de noviembre de 2026
Nota de prensa remitida por el Igaem (Xunta de Galicia):
O Instituto Galego das Artes Escénicas e Musicais (IGAEM) da Consellaría de Cultura e Deporte adxudicou un total de 1.239.929,77 a 41 compañías profesionais galegas de teatro, danza e maxia como resultado da súa convocatoria de subvencións á actividade escénica. O Consello Reitor do IGAEM ratificou as contías concedidas a cada proposta 7 dentro do apartado de nova creación, 22 de teatro de actor e de monicreques, 7 de danza e 5 de maxia, ademais de aprobar os importes no resto das modalidades: programa Crédito-Cultura e axudas á distribución, ás dotacións da Rede Galega de Teatros e Auditorios, ás salas privadas de teatro e artes escénicas, ao asociacionismo profesional e á formación especializada.
Así, nesta primeira quenda de resolucións foi adxudicado un total de 1.906.078,17 , cifra que representa o 90% do orzamento global da convocatoria 2008 de axudas (2.120.000 ) á que o IGAEM dotou dun importante aumento inversor co obxectivo de impulsar a articulación dunha industria galega do teatro, a música e a danza innovadora e competitiva. A contía restante (213.921,83 ) está reservada ás subvencións á promoción e distribución de traballos discográficos subapartado das axudas á distribución aínda pendente de resolución, así como ao programa Crédito-Cultura, á distribución exterior dos espectáculos de artes escénicas e musicais, á asistencia a feiras e outras plataformas de exhibición musical e á formación especializada, para as que continúa aberto o prazo de recepción de solicitudes.
258 funcións
No caso da liña de apoio á actividade escénica (modalidade A), 126.000 destínanse ás propostas presentadas por 7 compañías de recente creación (Alejandro Sampayo, La Imagina Machina, Nbekworks, Pistacatro, Teatro Ensalle, Voadora e Uxía Vaello); 892.396,50 a 22 compañías de teatro de actor e de monicreques, tanto na modalidade anual para produción e distribución de novos espectáculos como na bianual para a continuidade da actividade (A Factoría Teatro, Ancora Produccións, Artello Teatro Alla Scalla 1.5, Bengala Produccións, Berrobambán, Encena Produccións Artísticas, Lagarta Lagarta, Matarile Teatro, Os Monicreques de Kukas, Os Quinquilláns, Produccións Excéntricas, Sarabela Teatro, Talía Teatro, Teatro Buratini, Teatro Galileo, Teatro de Ningures, Teatro do Atlántico, Teatro do Morcego, Teatro do Noroeste, Títeres Cachirulo, Volta e Dálle e Viravolta Títeres); e 166.000 ás axudas anuais e bianuais para 7 compañías de danza (BStudio, Branca Novoneyra, Druída Danza, Entremáns, Marco González, Merce de Rande e Nova Galega de Danza). Estas contías reflectiranse no desenvolvemento dun total de 258 funcións de teatro e danza, ás que hai que sumar os espectáculos producidos polas 5 empresas de maxia (Creacións Máxicas, Ilusións Máxicas, Pedro Volta, Mago Romarís e Martín Camiña) adxudicatarias das subvencións a investimentos produtivos neste ámbito artístico por un importe total de 55.533,27 .
Canto ao programa Crédito-Cultura (modalidade B) unha das novidades desta convocatoria a través da que busca facilitar e normalizar en condicións vantaxosas o acceso das empresas do sector ao financiamento bancario, até o momento foi resolta favorablemente a solicitude dunha compañía, Bengala Producións, á que o IGAEM achega 1.100 destinados aos xuros do préstamo concedido.
Para as subvencións á distribución (modalidade C) resérvase un orzamento de 380.000 , do que nesta quenda foi adxudicado preto do 58% dirixido tanto á realización dun total de 240 funcións e concertos fóra de Galiza a cargo de 28 empresas escénicas e musicais (212.786,84 ) como á asistencia doutras 3 empresas a feiras musicais de carácter internacional (6.589,78 ).
Espazos escénicos
No apartado de espazos escénicos, 9 concellos (Burela, Cangas, Carballo, Ferrol, Ourense, Pontevedra, Ribadeo, Santiago e Tui) resultaron beneficiarios dos 120.000 convocados dentro da liña de axudas para investimentos na Rede Galega de Teatros e Auditorios (modalidade D), mentres que os 200.000 destinados a programación de salas privadas de teatro e de artes escénicas (modalidade E) foron adxudicados a 5 espazos: Teatro del Andamio na Coruña; Sala Nasa e Teatro Galán en Compostela; e Teatro Arte Livre e Teatro Ensalle en Vigo.
Por último, o Consello Reitor do IGAEM ratificou tamén a concesión de 110.000 a 6 asociacións profesionais do sector dentro da modalidade F, así como 8.000 a dúas das propostas presentadas até o momento ás axudas á formación especializada no ámbito escénico e musical (modalidade G), á que se destina un total de 40.000 .
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
