martes, 3 de noviembre de 2026
Nota de prensa remitida por la Consellería de Cultura e Deporte de la Xunta de Galicia:
O Día do Libro Infantil e Xuvenil celébrase en Oleiros ata o sábado 5 de abril en que transcorre a Semana do Libro e a Lectura. Alí a Consellaría de Cultura e Deporte e a asociación Gálix presentaron dous novos títulos da colección Lagarto Pintado. Son as compilacións de contos De cando a primavera cría que era inverno, dirixido a menores de dez anos, e Tres blues e un rap, para maiores desa idade.
Os novos títulos da colección foron presentados pola delegada provincial da Consellaría de Cultura na Coruña, Milagres Lantes, e por Carlos Labraña, autor dun dos contos compilados e representante de Gálix (Asociación Galega do Libro Infantil e Xuvenil).
O libro De cando a primavera cría que era inverno está composto por catro relatos de Carlos Labraña, Carlos López, Xosé Ballesteros e María Reimóndez, con ilustracións de Marta Álvarez. Tres blues e un rap fórmano catro contos de Xerardo Quintiá, Lourdes Maceiras, Marcos S. Calveiro e María Canosa, neste caso con ilustracións de Ramón Trigo.
As bibliotecas públicas de Galiza realizan numerosos actos de conmemoración do Libro Infantil e Xuvenil. Dentro da Semana do Libro e a Lectura de Oleiros, actuará ás 19 horas no Auditorio Gabriel García Márquez de Mera o grupo The Pinga Teatro, que presenta a obra O rei dos mares. Tamén actuará o alumnado do IES María Casares, coa actuación musical Marusía e o recital poético Mar de fondo.
Por outra parte, está dispoñible en galego a revista Galician Books 2008, que se presentou con gran éxito na Feira de Boloña, o maior evento internacional da literatura infantil e xuvenil. Alí deuse a coñecer a edición en lingua inglesa desta publicación, na que se que ofrece unha mostra da creación contemporánea galega destinada ao público novo.
A publicación en galego poderase descargar desde a web de Praza das Letras (www.prazadasletras.org). Inclúe información ampla sobre as características e potencialidades da LIX galega, a ilustración, a proxección internacional, etcétera. Conta con artigos de escritores como Xabier P. Docampo, Xosé A. Neira Cruz, An Alfaia, Xosé Neira Vilas e Agustín Fernández Paz, entre outros.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
