martes, 16 de junio de 2026
Nota de prensa:
O Plenario da Real Academia Galega acordou nomear académica numeraria á Catedrática do Departamento de Ciencias da Comunicación da USC, Margarita Ledo Andión. Nada en Castro de Rei (Lugo) no ano 1951, a profesora Ledo é autora de numerosas obras científicas, literarias e nos últimos anos tamén autora de dous documentais cinematográficos: "Santa Liberdade" e "Liste, procunciado Lister".
Margarita Ledo cubre a vacante deixada polo finado Miguel Anxo Araúxo, quen fora bispo da diocese de Mondoñedo-Ferrol e escritor e tradutor de numerosos textos relixiosos ao galego.
A profesora Ledo ten unha dilatada traxectoria no mundo da comunicación, tanto no mundo académico coma no profesional, incluíndo cargos como directora do semanario A Nosa Terra até o 1980.
Ademáis, Margarita Ledo formou parte do equipo que creou a Facultade de Ciencias da Comunicación na USC no ano 1991, e foi a decana na primeira etapa do centro, entre os anos 1992 e 1996, despois de anos de docencia na Universitat Autónoma de Barcelona.
A intelixencia artificial (IA), a súa gobernanza e o impacto na organizacións públicas centraron o II Encontro de Equipos de Tecnoloxías da Información e Comunicacións (TIC) das comunidades autónomas, celebrado hoxe en Madrid, no marco do Foro de Dixitalización das Comunidades Autónomas.A Xunta de Galicia estivo representada polo director da Axencia para a Modernización Tecnolóxica de Galicia (Amtega), Damián Rey, ao que acompañaron os responsables da Xerencia e das áreas de Administración Dixital, Infraestruturas e Seguridade, Solucións Tecnolóxicas Sectoriais, Transformación Dixital da Facenda Pública e a Oficina de Apoio Estratéxico e Planificación.
Deseñado e posto en marcha pola Consellería de Medio Ambiente e Cambio Climático a través de MeteoGalicia un servizo meteorolóxico de referencia na Comunidade, o chamado Sistema de Propagación de Incendios de Galicia (Spigal) permitirá dotar o operativo de loita contra o lume da Xunta dunha ferramenta tecnolóxica propia con capacidade para adaptarse á realidade en vivo, comparar distintos escenarios de evolución dun mesmo incendio e avaliar as medidas e actuacións en materia de extinción. Spigal superou xa unha fase de probas a partir dos datos reais dos incendios do verán pasado e está listo para entrar en funcionamento.
