jueves, 18 de junio de 2026
Nota de prensa remitida por el Gabinete de Comunicación de la Xunta de Galicia:
O Centro Galego de Artes da Imaxe (CGAI) comeza o venres día 1 de febreiro, ás 23,00 horas unha nova sección da programación que permite abrir as posibilidades horarias para o espectador coa presenza dunha sesión nocturna, After Hours. A sección inaugurase co pase de Kurt Cobain: About a son (2006) de AJ Schack, elaborado documental que gañou o premio á mellor película no último Festival In-Edit de Barcelona.
A sesión dos venres ás 18 horas pasa ás 23 horas co que representa de ampliación da programación, agora tamén con outras propostas de periodicidade regular, desde documentais musicais (froito dunha colaboración con In-Edit Beefeater, o Festival Internacional de Cine Documental Musical de Barcelona) ata cine de xénero de calidade sen estrear. Asimesmo, o centro facilita as habituais presentacións na sala de curtas de produción galega.
O filme é resultado histórico de 25 horas de conversación entre Kurt Cobain e Michael Azerrad, cando este preparaba o seu libro Come as you are: The story of Nirvana. As súas palabras, as cidades da súa vida (Aberdeen, Olympia e Seattle), esvarando cunha narrativa visual propia e os seus grupos favoritos (Vaselines, Mudhoney, Bad Brains,...) nunha autobiografía cálida e sincera.
Dentro da sección que se inaugura vanse proxectar ademais Hak Se Wui/Election, o venres 8; A xinecóloga e Túnel, o venres 15; Hak Se Wui Yi Wo Wai Kwai / Election 2, o venres 22, e Metal: A Headbanger´s Journey, o venres 29.
Sanxenxo volverá converterse este verán nun dos grandes referentes da música en directo en Galicia coa celebración da cuarta edición de Costa Feira, un evento que ofrecerá máis dunha decena de concertos e propostas musicais entre os meses de xullo e agosto no recinto do Polígono de Nantes. O ciclo arrancará o 24 de xullo con Wake Up! in Costa Feira e continuará o 28 de xullo e os días 4, 11 e 18 de agosto coa proposta Electrolatino, que reunirá artistas destacados neste xénero como Henry Méndez, Danny Romero, Jose de Rico, Anthony & Yeigo, Jay Santos, Marc Magán ou Mar Lucas.
Ponse en marcha a programación da 14ª edición de Cultura no Camiño, que este verán ofrecerá 316 espectáculos escénicos e concertos a cargo de 147 formacións artísticas en 87 concellos galegos situados nas diferentes rutas xacobeas. Trátase dunha proposta enmarcada na campaña Para gustos, cultura, que este ano chegará a 200 localidades con máis de 3.600 propostas. O calendario de Cultura no Camiño para este ano, que se abriu esta semana con paradas en Ribadumia, onde Marta Ortiz presentou Canta, Bugina, canta! na Escola Infantil, e en Miño coa proposta A maxia dos libros, do Mago da Boina e Nami, no Centro de Día, continuará hoxe de novo en Ribadumia con Donas do lugar, un espectáculo de narración oral a cargo de María da Pontragha.
