viernes, 9 de octubre de 2026
Además de la entrega del Premio José Couso a la Libertad de Prensa, la conmemoración del Día Mundial de la Libertad de Expresión se complementa este año con la celebración por primera vez en Galicia de la Convención de Periodistas de España.
Está convocada por el Foro de Periodistas (FOP) y es la quinta edición que se organiza y que en esta ocasión centra el debate en torno a la condición de periodista profesional bajo el lema genérico: "Vellos e novos medios: a mediación necesaria do xornalista".
Nota de prensa remitida por el CPXG:
O Colexio Profesional de Xornalistas de Galicia (CPXG) organiza a V Convención de Xornalistas de España que se celebra os días 4, 5 e 6 de maio en Lugo. É a primeira vez que a Convención terá lugar en Galicia e está convocada polo Foro de Organizaciones de Periodistas (FOP). Os colexiados e o resto dos membros das
entidades do FOP (Agrupación de Periodistas - CC.OO., Agrupación de Periodistas- UGT, Col.legi de Periodistes de Catalunya e Federación de Sindicatos de Periodistas-FeSP), terán a estancia e manutención gratuítas, incluidas na inscrición.
Para participar hai que cumprimentar a ficha de incrición que se pode atopar na web do CPXG (www.xornalistas.com) e na do Foro de Organizaciones de Periodistas (www.foroperiodistas.com), o número de prazas é limitado e asignaranse por rigorosa orde de chegada. A Convención, que ten lugar durante os tres días no Pazo de Feiras e Congresos de Lugo, conta co patrocinio, entre outros, da Secretaria Xeral de Comunicación da Xunta de Galicia, o Concello de Lugo e Caixanova. Os estudiantes de Xornalismo que asistan a esta convención contarán cun crédito de libre configuración. O CPXG habilitou varias bolsas de aloxamento e manutención para
este colectivo.
Na convención de Lugo debaterase sobre a condición de xornalista profesional. Nesta ocasión, baixo o lema "Vellos e novos medios: a mediación necesaria do xornalista", a cuestión a debater será a da esixencia de profesionalidade no exercicio do xornalismo. O venres día 4 terá lugar a inauguración da V Convención no Salón
Almirante, Hotel Méndez Núñez de Lugo, seguida da conferencia de Josep Maria Carbonell, Presidente do Consell de l`Audiovisual de Catalunya (CAC).
O sábado día 5 comezarán as exposicións de ponencias e dos debates no Pazo de Feiras e Congresos de Lugo, previa recepción e acreditación dos participantes. O día seguinte comezará cunha mesa de igualdade onde se tratará a situación laboral da muller xornalista, seguida do debate das conclusións das ponencias expostas anteriormente. Pecharase a xornada coa entrega do I Premio Muralla Aberta de Xornalismo e coa clausura, por parte das autoridades correspondentes.
As catro convencións anteriores celebráronse en Cádiz, Valladolid, Tarragona e Xixón. Todas elas foron convocadas polo Foro de Organizacións de Xornalistas (FOP), plataforma unitaria formada actualmente polas organizacións colexiais e sindicais
máis representativas de España: Agrupación Xeral de Xornalistas de UGT, Agrupación de Xornalistas de CCOO, Federación de Sindicatos de Xornalistas, Colexio Profesional de Xornalistas de Galicia e Col·legi de Periodistes de Catalunya.
Para conmemorar o día da Liberdade de Prensa o FOP celebra, tamén en Lugo, o día 3, un acto conxunto no Instituto Lucus Agusti, ás 19.00 horas. Por outra banda, o día 2 de maio pola tarde, ten lugar a entrega do III Premio José Couso en Ferrol. A axenda de actos inclúe a xa tradicional ofrenda floral diante da escultura de Manuel Patinha 'Ás Ceibes' no Cantón de Molíns coa lectura dun texto da poeta Eva Veiga. A continuación celebrarase o Concerto da Liberdade no Teatro Jofre no que a Real Filharmonía de Galicia, baixo a batuta do director Maximino Zumalabe, ofrece obras de Beethoven e Andrés Gaos.
Asemade durante os días nos que se celebra a Convención poderase visitar nas instalacións do Pazo de Feiras e Congresos a exposición de Olaga Osorio, "Reflexións". A entrada é gratuíta.
O conselleiro de Facenda e Administración Pública, Miguel Corgos, avanzou hoxe que as contas da Xunta para o ano 2027 continuarán a reforzar o gasto social, cunha suba por riba da media do crecemento do orzamento e con melloras no acceso á vivenda, a máxima prioridade desta lexislatura. Así mesmo, o Goberno galego seguirá comprometido coa transformación do modelo produtivo cunha aposta polo investimento en I+D+i e pola mellora da formación para impulsar o crecemento empresarial. Ademais de aproveitar a riqueza dun Xacobeo 2027, 'que queremos que sexa o mellor da historia'.
Galicia rexistrou un mes de setembro seco e moi cálido, cunha temperatura media de 20,4 graos, é dicir, 2,4 graos por riba do habitual nesta época do ano. De feito, foi o segundo setembro máis caloroso na Comunidade desde 1961 (ano de inicio da serie histórica), tan só superado polo de 2018. Así consta no último informe climatolóxico mensual de MeteoGalicia, presentado esta mañá en Santiago de Compostela. O comportamento do mes pasado estivo marcado no conxunto da Comunidade polas altas temperaturas, moi por riba do habitual nesta época do ano, e por varios episodios de calor que se sucederon ao longo das catro semanas. A explicación estivo fundamentalmente no predominio das xornadas anticiclónicas.
