viernes, 9 de octubre de 2026
Alrededor de 10.000 estudiantes gallegos pueden conocer la oferta de la enseñanza superior en Galicia a través del Forum Orienta 2007 que promueve la Consellería de Educación de la Xunta en colaboración con las Universidades gallegas, los centros de Formación Profesional y las enseñanzas artísticas. Durante cuatro días este evento, que se celebra en el Palacio de Congresos y Exposiciones de Santiago de Compostela, informa a los estudiantes de más de un centenar de centros gallegos de 1º y 2º de Bachillerato de la oferta formativa que pueden encontrar en Galicia en el nivel de estudios superiores.
Así, el Forum Orienta 2007 divulga información que se complementa con actividades paralelas como exposiciones, concursos, conciertos, mesas redondas, actividades deportivas y una visita al Museo Pedagóxico de Galicia (Mupega).
Nota de prensa remitida por el Gabinete de Comunicación de la Consellería de Educación e Ordenación Universitaria de la Xunta de Galicia:
Preto de 10.000 persoas participan do 24 ao 27 de abril na primeira edición do Forum Orienta 2007, que se celebra no Palacio de Congresos e Exposicións de Galicia, e que ten como obxectivo achegar ao alumnado de 1º e 2º de bacharelato, profesorado, pais e nais e orientadores; a oferta do ensino superior en Galicia, as novidades máis salientables neste eido e as posibles saídas profesionais. O evento está promovido e organizado pola Consellería de Educación e Ordenación Universitaria, coa participación das Universidades de Santiago de Compostela (USC); da Coruña (UDC); e de Vigo (Uvigo); así como das Consellerías de Medio Ambiente e Sanidade. O Forum foi presentado en rolda de prensa polos directores xerais de Ordenación e Calidade do Sistema Universitario de Galicia, José Ramón Leis Fidalgo; de Promoción Científica e Tecnolóxica do Sistema Universitario de Galicia, Rogelio Conde-Pumpido Tourón; e de Formación Profesional e Ensinanzas Especias, Antonio Vázquez Vázquez.
Todos os centros públicos e privados de ensino secundario de Galicia foron invitados a visitar o Forum Orienta 2007, que se celebra en horario de 10:00 a 19:00 horas, agás o día 27, no que pecha as súas portas ás 14:00 horas. Están inscritos un total de 7.875 alumnos e alumnas procedentes de 111 centros. Ademais, o xoves pola tarde e o venres pola mañá son xornadas de portas abertas, polo que calquera persoa interesada poderá achegarse.
Os obxectivos de Orienta 2007 son ofrecer aos visitantes toda a información sobre a oferta formativa do ensino superior (Universidades, Formación Profesional e Ensinanzas Especiais) na Comunidade galega; difundir e orientar sobre as liñas de bolsas, axudas e premios para o alumnado que accede a estas ensinanzas; informar sobre o Espazo Europeo de Educación Superior (EEES); achegar información sobre as probas e o sistema de acceso á Universidade; divulgar o papel das universidades na promoción científica e tecnolóxica de Galicia; e informar sobre os servizos complementarios dos campus universitarios, coma as residencias, a cultura, os deportes, o transporte, os comedores, etc.
O Forum desenvólvese en 6.000 metros cadrados útiles. Nesta superficie, os visitantes poden acceder ao posto do Sistema Universitario de Galicia, onde investigadores das universidades galegas e técnicos da Consellería ofrecen información práctica sobre a investigación, o Espazo Europeo de Educación Superior, a oferta de títulos das universidades galegas e as bolsas e axudas para alumnos universitarios.
Ademais, as Universidades da Coruña (UDC), de Santiago de Compostela (USC), e de Vigo (Uvigo), terán os seus propios postos, onde alumnos, profesores e técnicos ofrecen unha completa información sobre a oferta de estudos destas institucións académicas; así como sobre actividades, comedores, bolsas, etc. A Consellería de Sanidade está presente a través dun posto sobre condición física, que será atendido por alumnos da titulación de Ciencias do Deporte e da Educación Física.
Pola súa banda, os alumnos, profesores e técnicos de Formación Profesional e Ensinanzas Especiais divulgarán a oferta completa de estudos de cada familia profesional e das ensinanzas artísticas. A Comisión Interuniversitaria de Galicia (CIUG) tamén terá contará cun posto propio, que informará sobre as probas de acceso á universidade. Así mesmo, haberá un stand informativo que conterá documentación sobre o premio de excelencia académica que organiza a Consellería de Educación e Ordenación Universitaria.
Ademais dos distintos postos informativos, o Forum Orienta desenvolverá un amplo programa de actividades, como charlas, exposicións, concursos, mesas redondas, proxeccións, información sobre seguridade viaria, e unha visita ao Museo Pedagóxico de Galicia (MUPEGA). Tamén haberá un área lúdica, na que se celebrarán concertos a cargo de grupos de música das universidades e dos alumnos e alumnas do Conservatorio Superior de Música da Coruña; ademais dunha representación de teatro universitario, e exhibicións deportivas. Así mesmo, instalaranse un rocódromo e un columpio acrobático.
O alumnado asistente e os seus acompañantes recibirán unha bolsa que contén diverso material divulgativo. Ademais, toda a información pode consultarse no enderezo www.edu.xunta.es/forumorienta.
Segundo explicou o director xeral de Ordenación e Calidade do Sistema Universitario de Galicia, José Ramón Leis Fidalgo, trátase dun novo formato, dinámico e atractivo, que proporcionará ao alumnado unha información máis personalizada. Ademais, salientou que este evento ten unha vocación continuadora, e que nos próximos anos rotará por distintas cidades galegas.
Pola súa banda, o director xeral de Formación Profesional e Ensinanzas Especiais, Antonio Vázquez, salientou que os postos que dependen da súa dirección incidirán no ámbito formativo destas ensinanzas; nas posibilidades de emprego que ofertan; e na dimensión europea que acadan como consecuencia da aplicación da Lei Orgánica de Educación (LOE); e subliñou o carácter participativo deste evento. O director xeral de Promoción Científica e Tecnolóxica do Sistema Universitario de Galicia, Rogelio Conde-Pumpido, explicou que Orienta 2007 pretende resaltar o papel esencial da Universidade na produción científica a través de distintas experiencias que fagan visible a importancia da ciencia dentro da institución académica.
O conselleiro de Facenda e Administración Pública, Miguel Corgos, avanzou hoxe que as contas da Xunta para o ano 2027 continuarán a reforzar o gasto social, cunha suba por riba da media do crecemento do orzamento e con melloras no acceso á vivenda, a máxima prioridade desta lexislatura. Así mesmo, o Goberno galego seguirá comprometido coa transformación do modelo produtivo cunha aposta polo investimento en I+D+i e pola mellora da formación para impulsar o crecemento empresarial. Ademais de aproveitar a riqueza dun Xacobeo 2027, 'que queremos que sexa o mellor da historia'.
Galicia rexistrou un mes de setembro seco e moi cálido, cunha temperatura media de 20,4 graos, é dicir, 2,4 graos por riba do habitual nesta época do ano. De feito, foi o segundo setembro máis caloroso na Comunidade desde 1961 (ano de inicio da serie histórica), tan só superado polo de 2018. Así consta no último informe climatolóxico mensual de MeteoGalicia, presentado esta mañá en Santiago de Compostela. O comportamento do mes pasado estivo marcado no conxunto da Comunidade polas altas temperaturas, moi por riba do habitual nesta época do ano, e por varios episodios de calor que se sucederon ao longo das catro semanas. A explicación estivo fundamentalmente no predominio das xornadas anticiclónicas.
