jueves, 22 de octubre de 2026
O 79,8 % das empresas grandes con sede social en Galicia e conexión a Internet dispoñen de páxina web. Ademais, o 30,6 % destas empresas permiten o teletraballo.
A enquisa destaca tamén que o 83 % das grandes empresas utilizan software de código aberto, case 4 puntos máis que a media estatal (79,1 %), sendo a Comunidade Autónoma líder nesta tecnoloxía.
Galicia tamén supera a media estatal na porcentaxe de empresas grandes que dispoñen dunha conexión de internet de 100 Mbps ou máis, cun 88,3 %.
Especialistas TIC
O 16,9 % das empresas grandes proporcionaron en 2025 actividades formativas en TIC aos seus empregados, de forma que no 37,9 % dos casos, as actividades deste ámbito son desenvolvidas por empregados propios.
Por outra banda, a contratación de especialistas TIC en ciberseguridade nas grandes empresas pasou do 3,6 % ao 6,1 % nun só ano.
Entre as empresas con menos de 10 persoas empregadas, o 29,5 % usan medios sociais e o 35,9 % teñen páxina web.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
